အွန်လိုင်း သမ္မာကျမ်းစာ

Dèd́è̆lî̄ 22 - Geba Roman New Testament

¹ Mèhwă Mò̄khobwèzo d́è̆lî̄ jè dèòthôḿô̆ alò̄do păsiri gèhlè̆hlu acab́ô̆ lod́î̆scwi, htè aò d́ŏ Kib́ĭcè kî Thŏpho ana bu,

² adola alakô d́ŏ u athaklăḿè̆bŭ klèpho abu nu. D́ŏ lò̄wē gīkhò̆b́è lōlō nu aò ḿî dèòthôḿô̆ atho, athèhtaphò̆hta scigīmo, dèhlè̆ domo, kî ahlè ḿî htĭgepho tòcò anikhĭ dihwidèsè nu.

³ Dè htè aò Kib́ĭcè adèhôkî̆kkè alè̄ tè b́è dètcahtî d́ŏ u abu dimĭ ńò. Kib́ĭcè ana kî Thŏpho kò ò tèpwè allele lò d́ŏ U bu nu, Zô zô Zè bwè tòcò gè̄ thèb́è̆htakò̆ Cè.

⁴ Cè tòcò ka tcahtîkò̆ lōwa amūkă kî Zi mi kò òkò̆ ahwela ze mēhta alò tòcò.

⁵ Lumunèkhè̆ kò tò òkò̆ dakhă be ńò, zo gō do lobakò̆ hmîŭd́ŏ ńò ńò kî Lumu adèhlî̆ ńò ńò, manè̄ d́ō Kib́ĭcè Dèado gî̄ hlî̆lakò̆ b́ĕ zo kho tòcò. Cè tòcò ku ŭicaikò̆ lahtŭlablo.

Jezŭ Adèlela

⁶ Mò̄khobwèzo d́ògè jè; “Dèjî̄b́è lŏcăcè ne hwela htŏ tòcò nu ḿî adî̄ahma kî agî̄ phî̆hta hnèhnè nu. Kib́ĭcè Dèado, htè aila prò̆fèt tòcò spirito nu, thodŏle htŏ Zè Mò̄khobwèzo tòcò akè d́è̆lî̄hta Zô zo Zè bwè tòcò dè agî̄ phî̆hta tòcò nu.”

⁷ Jezŭ d́ò; “Sòkhĕńebò̄. Tò òjî̄òkja ńò je gē lela! Ab́èhôwî ḿî bija htè aòi dèd́òdòlò ahwela d́ŏ Cè bu ajo tòcò nu!”

⁸ Kîd́ò̆ jè, Zowănnī ḿî athîhè̆b́è kî atcahtîbègè dè ajo tòcò nu gò̄la thèb́è̆htagè d́ŏ Mò̄khobwèzo akhahtî nu.

⁹ Ḿî cò d́ògè jè; “Nè dè mèb́è gōnu ńò. Jî ḿî ńò khò̆ zôbwèpho kî prò̆fèt tòcò athè̆buwe dèbwè lò kî aòi dèjî̄b́è aò Cè ajo tèb́è abu tòcò nu dèbwè lò. Thèb́è̆htabò̄ Kib́ĭcè,” cò d́ògè jè do.

¹⁰ Kîd́ò̆ cò d́ògè jè; “Zwî̄laglo ḿè Cè kî cèè ḿè. Manè̄ d́o, akhîagla b́ôhtî htŏ.

¹¹ Amèkî̆kkè dè dèbwè gè̄ mèwe d́ò̆è. Amè cîb́î̆còb́òdè dèbwè gè̄ mèwe d́ò̆è. Adî̄ahma dèbwè gî̄ dî̄ gā hma Mò̄kô d́ò̆è. Atcahtĭ dèbwè gā tcahtĭ mòbĕ d́ò̆è.”

¹² “Tcabò̄, je le plaplăgè! Je lei dèsôdèhlè̆ agē bela bija dèbwè dèbwè ladū, acab́ô̆ zè dèphîdèmè tani adĕ nu.

¹³ Jè ḿî Alpha kî Omega, akăhtî kî agudulă, dègohta kî dèahwăhtŏ nu.”

¹⁴ Ab́èhôwî ḿî bija htè ascî̆bô̄ b́ă ascid́ŏdò̄dô cab́ô̆htè ca ka ab́èbò̄ dèòthôḿô̆ athothè kî agē lenīkôb́è khaglè̄ alenī d́ŏ u abu tòcò nu.

¹⁵ Aòda akhlŏ ḿî htwi, bihwĭbèsè̆, bwèd́ŏthibwĭ, bwè amèthĭ bija, athèb́è̆ dèjòdèja kî amèdè dîdî̄dahma ńò tòcò nu.

¹⁶ “Jè, Jezŭ, jo thodŏlegè jè Mò̄khobwèzo cab́ô̆htè akò dò̆sa nè dèòplo tòcò awîakè̆. Ji ḿî Dăvid akhawi kî zi khwĭ. Jî ḿî Lumuse Asèduwò asegòdrò.”

¹⁷ Spirito Tcahtĭ kî aphîcu amihmu d́ò; “Lebò̄ kha!” Bija htè athîhè̆b́è dè ajo dèbwèbwè kò d́òkô d́ò̆è; “Lebò̄ kha!” Ŏ bija athaò̆ dèbwè, lebò̄; athaèni dèbwè le kî phîò̆ hnahnă d́ò̆è dèthôḿô̆ ahtĭ.

Dèd́ò̆sa Agudulă

¹⁸ Ja kha thè̆thî d́ŏ bija athîhè̆b́è dèd́òdòlò aò Cè ajo tèb́è abu tòcò anikhĭ. Bija akò plòhtŭ Cè ajo tèb́è nu, Kib́ĭcè ki ilanikò̆ cè dèbadèsè̆ aò hwela Cè abu jo tòcò nu.

¹⁹ Kî bija agî̄ phîkè̆ dèd́òdòlò domomo nu, Kib́ĭcè gî̄ phîkè̆ thĭwīkò̆ cè dèò atho lò kî U Tcahtĭ abu kî dè ò ahwela Cè ajo tèb́è abu tòcò nu.

²⁰ Cè htè akhathè̆thî ajo tòcò d́ò; “Je leplă hmahma hŏ!” Amèn! Lebò̄ B́ĭcè Jezŭ!

²¹ Wî B́ĭcè Jezŭ Krĭstu adèhludètă kò òkô d́ò̆è thĭ kă. Amèn.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ