အွန်လိုင်း သမ္မာကျမ်းစာ

Dèd́è̆lî̄ 20 - Geba Roman New Testament

Ad́e Dòhtò

¹ Alekă ja tcahtî Mò̄khobwèzo ò d́ŏ Mò̄kho ala dèbwè, za lai dèlajò̄codibi ahnèwî̄kă kî htaĺabido tòb́ò̆ cu cukhò bu.

² Cô pô wudo, wudo ahwa htè aḿî Mod́èlî kî Sătana nu kî co cŏ zî gî̄glo lōwa ad́e dòhtò adābu.

³ Zî htîladēnī lōwa d́ŏ rò alajò̄ abu, zò còglo hnèwî̄kŏ kî zwî̄b́igè cè kî zwî̄, cab́ô̆htè zò dò hlòhlî̆hlòplèbò̄ htĭge tòcò ńò htô̆ ad́e dòhtò gē pĕhta nu. Alekă cè kè̄ b́è b́ăsèplèkò̆ tod́odasa.

⁴ Kîd́ò̆ ja tcahtî na tòcò kî bija asańălăò d́ŏ abu tòcò nib́è aphlŭathere agī cirradè. Kî ja tcahtî bija atha htè agò̄ b́è bēhtè̆dū d́ŏ akha Jezŭ kî Kib́ĭcè Alēahwè thè̆thî acè̆ tòcò nu. Kî d́ŏ zè tè thèb́è̆hta Dèphodèwe kî zè bwèjò ńò, kî zè dè ahma tèb́è dòla ze mēbòlò kî zu cukhò lò ńò acè̆ nu. Cè tòcò htaboge kî ŭicaidè acab́ô̆ saphra, ploplo Krĭstu ad́e dòhtò adābu.

⁵ (Bija athĭ alewe tòcò ad́e dòhtò ta b́a ńò athŭtherĕ da htaboge ńò.) Ajo ḿî athĭ tòcò adèhtaboge alabū tapla nu.

⁶ Bija htè ahtaboge aŭsugudŭ tòcò nu thalōthala kî b́èhôwî lò. Dè thĭ gīpla tapla acô̆thèlè̆ tò ò cè tòcò akho ńò. Cè tòcò gî̄ ḿîkò̆ Kib́ĭcè kî Krĭstu aphŭgi kî cu ku ŭib́èplokò̆ lōwa ad́e dòhtò.

Dèmèbè Sătana

⁷ Ad́e dòhtò gò̄ phlòtôlô hwă Sătana kè̄ b́è b́ăsèplèhtaphlòḿĭkò̆ d́ŏ dèkî̆dî̄ abu,

⁸ kî zè gè̄ hè hlòhlî̆hlòplèkò̆ htĭge tòcò d́ŏ aòphrulaphrî̆hta Lākho thèd́è̆b́è akho, htè aḿî Gòg kî Magòg nu. Sătana gō jo ladēplokò̆ lōwa dèd́o anikhĭ, cò kò òèòòkò̆ pwĕ lothĭḿi aò d́ŏ pellèwe nu.

⁹ Cè tòcò hè Lākho thèd́è̆b́è akho kî le òwekhwè̆b́agè bija tcahtĭ tòcò kî cu u amòb́èlò̄ tu u nu. Ḿî Kib́ĭcè ahmî ò d́ŏ Mò̄kho lagèhòa lŏ tèpwè cè tòcò.

¹⁰ Hwă d́ō Mod́èlî, ahè plèa cè tòcò nu, b́è htîladē d́ŏ ka kî hmî ahnò bu, htè b́ĕ Dèphodèwe kî prò̆fèt aplè b́è htîladēnī htŏgè abu nu; kî cè tòcò kè̄ b́è dèssègnè̆ thè̆musè̆munè kî thèjô̆ lahtŭlablo lò.

Dècirra Agudulă

¹¹ Alekă ja tcatî Na ab́ôthă dokho kî Bwè asańălăò akho dèbwè. D́ŏ Zò hlò̆mò̄ nu Lākho kî Mò̄kho cwè hlè̆mè̄gè kî ad́ĕad́ò tò ò dimĭ be ńò.

¹² Ja tcahtî athĭ tòcò, adodo ascisci, sò̆hto ò d́ŏ Za na ahlò̆mò̄ b́ĕ Dèò acè ò ab́ăhta akhî nu, kî Cè alewe tòcò htè aòi cè tòcò adèphîdèmè awî kî akî̆kkè zè mènigè b́ĕ cò òwe d́ŏ Lākho akho nu.

¹³ Pellè ihtagè bwèthĭ aò d́ŏ htĭklè̆ tòcò nu; Dèthĭ kî Dèlajò̄ ihtagè bwèthĭ htè cô pôglo zu cukhò bu tòcò nu. Bija gŏ abwè b́è cirragè acab́ô̆ cò ò thôḿô̆we adĕ nu.

¹⁴ Mèhwă d́ō, Dèthĭ kî Dèlajò̄ b́èhtînīgè d́ŏ hmî ahnò bu nu. (Hmîhnò ajo ḿî dèthĭ gīpla tapla.)

¹⁵ Kîd́ò̆ bija d́ŏ ami tò ò hwela Dèò acèbu ńò tòcò b́èhtînīkò̆ d́ŏ hmîŭhnò abu nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ