အွန်လိုင်း သမ္မာကျမ်းစာ

Dèd́è̆lî̄ 17 - Geba Roman New Testament

Momarè Amihŏthèhŏ dèbwè

¹ Alekă Mò̄khobwèzo thăthô dèbwè htè aòi laba thăthôtèb́è le jî̄b́èhtî jè kî d́ò, “Le b́ĕjo kî jè kè d́è̆lî̄ nè dècirra agā lab́è momarè amihŏhtathèla dèbwè, udo anu htè ab́èb́òhta htĭgòlò̄ òè̆b́ò̆ akăhtî nu cadè̄ nu.

² Lākho asophrŏsaphra tòcò lathulakèḿèkô cè kî Lākhopho tòcò ò̆hmugè ane kî thobiscihtĭ htè ab́èkja zè dèlathulakèḿè nu.”

³ D́ŏ Spirito Tcahtĭ abu zî phî hwă jè d́ō, leigè jè d́ŏ lothĭḿizekho taklaẃa abu nu. D́ŏnu ja tcahtîgè amihmu dèbwè d́ò dèphodèwe alî tod́ŏ, ako ò thăthôtod́ŏ kî ano ò ab́ò̆sci kid́ò̆ ab́èhôkî̆kkè ò hwela alò thèd́èd́ŏ d́o.

⁴ Amihmu adèkô̆dèthò ḿî alîrè kî alîtò̆tî kîd́ò̆ agèhlè̆ kô htè̆ kî lo mòrra, kî căgò̄hto tòcò nu. D́ŏ cu cukhò bu nu zî phîglo hmăkahtè̆ dèmè̆ apĕhta kî zè dèlakèḿè athŏaî tòcò htè aòhtakô d́ŏ zè dèò acîpôcîthŏ abu nu.

⁵ D́ŏ ze mēbòlò nu, òhwelagè dè ami htè ahtabohtab́ă b́è hwela huzò gōjo, “Babilŏnia udo, htè gajă ḿî momarè kî Lākho adècîpôcîthŏ lŏcăcè tòcò amo.”

⁶ Ja tcahtî amihmu hmupòhtòî kî bija tcahtĭ tòcò athwi kî Jezŭ amătirè tòcò athwi nu. Kî b́ĕ ja tcahtî cè nu, jè htèniwĭniwagè.

⁷ Mò̄khobwèzo d́ò jè, “Nè htèniwĭniwa ma nè? Khŏnujo jò kò d́ò̆sa nè amihmu dèbwè jo awîakè̆, kî dèphodèwe htè cò d́òi tod́ŏ nu ako ò thăthôtod́ŏ kî ano ò ab́ò̆sci,” cò d́ò do.

⁸ Hlĕ aŭsu nu dèphodèwe na tcahtîgè nu aò, ḿî khŏnujo atò ò be ńò, cò ògè d́ŏ dèlajò̄codibi abu nu kî za gā htakò̆ tapla be d́ŏ zè dèkè̆dèhlè̆mè̄ anikhĭ lò. Bija Lākhopho htè hlĕ Lākho òhta athè̆lè̄kho lò ami tèb́è hwelahmăigè d́ŏ dèòthôḿô̆ acèbu ńò tòcò, gè̄ htèdômô̄dahmă lōkò̆ d́ŏ dèbòdèba phî̆hta d́ŏ dèphodèwe òhtakî ahlè̆mè̄ b́ĕ khŏnujo kî alekă lahtŭlablo nu. Aòhwăgè tapla; kî ahlè̆mè̄gè, ḿî akò pòhtagekò̆ tapla be.

⁹ “B́èkî dèthîhè̆do kî dèzadèbla nu. Dèko thăthôtod́ŏ ḿî khò̆cŏkho thăthôdèmè̆, htè amihmu dèbwè sanălăò akho nu. Cè tòcò ḿî saphra thăthô dèbwèbwè,

¹⁰ jè̄bwè ḿî aphlòtôlô htŏ, dèbwè ḿî aŭidè khŏnujo dèbwè nu, agē lekò̆ dèbwè be; cò kò ò b́ĕjo ḿî tod́odasa lò.

¹¹ Kîdò̆ dèphodèwe aòthôḿô̆ hlĕ akăhtî nu, ḿî khŏnujo atò ò be ńò; zî ḿî saphra thăthô dèbwè aklè̆ dèbwè, htè abwè lwīthôdèbwè nu cè kè b́èkè̆b́èô be lò.

¹² “Dèno ab́ò̆sci ḿî saphra abwèsci htè atu ŭitcaib́è dè hnî̆ńò, barasă ab́èilani htŏ aphlŭathere aku ŭicaidè danare adābu ploplo kî dèphodèwe nu.

¹³ Bija abwèsci jo òkî thodèmè̆thadèmè̆ lò, kî ci ila lŏ cô cô̆ cè thèlè̆ kî zu phlŭ ce there d́ŏ dèphodèwe acukhòbu.

¹⁴ Cè tòcò ko d́o gā phjakò̆ Thŏpho, ḿî Thŏpho kî Zè bwè ab́èjo, ab́èrôhta kî alôkô hmehmecece Ze le tòcò gō no gè̄ bèkò̆ lōwa d́ŏ Zî ḿî b́icè tòcò Ab́ĭcè kî saphra tòcò Asaphra akhoacè̆ nu.”

¹⁵ Mò̄khobwèzo d́ò kòd́ò̆ jè, “Htĭ htè na tcahtî momarè sanălăò akho ḿî htĭge tòcò, bija lŏcăcè, bija akhwĭthèlè̆ tòcò, kî dèlēdèhwè tòcò nu.

¹⁶ Dèno ab́ò̆sci htè na tcahtîgè kî dèkhŭdèhè̆ tod́ŏ nu gā dèwè̄dèsè̆kò̆ momarè, kî thŭphluladēkò̆ lōwa akô̆athò d́ō, cò kò ò hlòthô̆kò̆; mèhwă ca ka a lōwa ahîab́a kî zi gī scwikè̆kò̆ lōwa kî hmî.

¹⁷ Manè̄ d́ō, Kib́ĭcè b́è̆nī d́ŏ cè tòcò atha bu agè̄ mèplo lōwa acab́ô̆ Kib́ĭcè adèthaèni ò adĕ nu kî Kib́ĭcè ilani dèphodèwe dècô̆thèlè̆ aku ŭicaidè htô̆do Kib́ĭcè Alēahwè gē pĕhtazòhta nu.

¹⁸ “Amihmu na tcahtî ḿî u ado htè aŭi Lākho asophrŏsaphra tòcò dèbwè nu.”

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ