အွန်လိုင်း သမ္မာကျမ်းစာ

Dèd́è̆lî̄ 15 - Geba Roman New Testament

Mò̄khobwèzo tòcò kî Dèsè̆we

¹ Alekă ja tcahtî d́ŏ Mò̄kho nu ḿî dègèlè acòklîlasă, adoakhò̆ kî amò htèdômô̄dahmăsô dèdè̆. B́ĕnu Mò̄khobwèzo thăthô dèbwè htè aòi dèsè̆we thăthô domo, htè aḿî agudukă nu, d́è̆lî̄htagè Kib́ĭcè adèthèhtè agudulă tòcò nu.

² Alekă ja tcahtî pellèmētca htè aòpĕhta kî hmîŭhtĭsè̆ nu. Ja tcahtî we bija ad́oaphjabè dèphodèwe akhŭ kî abwèjò kî ami ḿî dèd́ô ahma nu. Cè tòcò sò̆hto ò d́ŏ pellèmētca awahtî nu, phîgloi dene htè Kib́ĭcè ila cè tòcò nu,

³ kî thăbô̄gè Mŏzè, Kib́ĭcè azôpho adèthăbô̄ kî Thŏpho adèthăbô̄: “Ŏ B́ĭcè Dèado Amèzadè lŏcăcè, Nè dèphîdèmè ḿî adoamu kî acòklîcòhjè̆kò̆ pwedè̄ lò! Nî ḿî bijakhwĭpho lŏcăcè Asaphra, Nè klèthòò̆ ḿî ab́è kî adî̄ahmakò̆ pwedè̄ lò!

⁴ Ŏ B́ĭcè, bija ato d́ŏb́èj́ab́è Nè ńò kò òbò̄ dèbwèbwè ā? Adòbò̄i Nè dèdodèmu ńò kò òbò̄ dèbwèbwè ā? Atcahtĭ ḿî htĕ Nè dèbwè lò. Htĭge lŏcăcè gē le kî gò̄la thèb́è̆htakò̆ Nè d́ŏ Nè d́è̆lî̄htagè Nè dèphîdèmè adî̄ahma b́è tcahtî lŏgè akhoacè̆ nu.”

⁵ Alekă d́ō, d́ŏ jè dètcahtî abu nu, Zarādo htè Thè̆thî Ahipho ò abu nu, ò tab́ăgè d́ŏ Mò̄kho nu.

⁶ Kî Mò̄khobwèzo aòi dèsè̆we thăthô domo thăthô dèbwè hèhtagè Zarādo bu, cò thògè scid́ŏdò̄dô thè̆phèplî agè̄gòbrò kî co cŏwè̄glo ca thaḿò̄ lò htè̆b́eblò.

⁷ Mèhwă dèphodèwe akhŭ lwīd́ŏ aklè̆ to d́ŏ igè Mò̄khobwèzo thăthô dèbwè labahtè̆ thăthôtèb́è htè aòpĕhtakî Kib́ĭcè aòthôḿô̆ lahtŭlablo dèbwè adèthèhtè nu.

⁸ Zarādo ò pĕhtakî Kib́ĭcè adòathe kî acô̆thèlè̆ ahmîkhu pwĕ bija dèbwè̆ de lenī zagè abu ńò htô̆do Mò̄khobwèzo thăthô dèbwè lei dèsè̆we thăthô domo pĕhtazòhta hwă nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ