အွန်လိုင်း သမ္မာကျမ်းစာ

Dèd́è̆lî̄ 13 - Geba Roman New Testament

Dèphodèwe Akhŭ Gid́ŏ

¹ Ja tcahtîgè dèphodèwe akhŭ tod́ŏ ò d́ŏ pèllèbu kî ahèhta; ako ò thăthôtod́ŏ kî ano ò ab́ò̆sci; kîd́ò̆ anokhĭ nu aplô khocò̆pho tèb́è, tèb́è kî d́ŏ ako lò nu ami htè amèjomèlè̄ Kib́ĭcè b́è hwelagè.

² Dèphodèwe akhŭ jo, ală kî khî̆prĕ, acuhlèkhahlè mè cab́ô̆ htè̆ acuhlèkhahlè kî alòmò mè cab́ô̆ glādo alòmò nu. Wudo ilagè cè acô̆athèlè̆ kî ana aku ŭi Lākho thèd́è̆b́è.

³ Ja tcahtîgè ako tod́ŏ b́èkĕb́èbrô, ḿî abule b́ègegè. Lākho thèd́è̆b́è htèdômô̄dahmă kî lôkôgè dèphodèwe akhŭ alle.

⁴ Bija gŏ abwè thub́uhtathèb́è̆hta tèpwègè Wudo. Kî cè tòcò thèb́è̆kôkôgè dèphodèwe nu, manè̄ d́ō Wudo ilagè dèphodèwe aphlŭathere acè̆ nu. Cè tòcò d́ò, “Bò̄bwè kô d́ôthò̆drò kèhta ane kî dèphodèwe bwè? Bò̄bwè ko d́o gā phja kèhtad́ò̆ cè dèbwèbwè?”

⁵ Dèphodèwe akhŭ b́è ilanigè agî̄ jî̄b́è htajîthwi ki sòlŭsò̆jè̄ Kib́ĭcè d́ŏ lwīscĭ gīhlè̆ adābu nu.

⁶ Kî tcahta hôkî̆kkègè Kib́ĭcè, Kib́ĭcè ami, Mò̄kho ahipho tcahtĭ kî bija aò d́ŏ Ḿò̄kho tòcò lŏcăcè lò.

⁷ Dèilani cè ako d́o gā pja Kib́ĭcè abija tcahtĭ tòcò kî nobè cè, kî zi nib́è dècô̆dèthèlè̆ d́ŏ bija akhwĭ, ahtĭage, bija ajî̄b́è dè alēahwè gŏ amo, kî bijakhwĭpho gô̆ akhwĭ akho nu.

⁸ Gajă bija Lākhopho lŏcăcè thèb́è̆hta cè, anu ḿî hlĕ Lākho òhta athè̆lè̄kho nu ami tèb́è hwela d́ŏ Thŏpho ab́èhluhtai tod́ŏ adèò acèbu ńò tòcò nu.

⁹ “Anigu ò dèbwèbwè, zò sòkhĕńe d́ò̆è!

¹⁰ Bija akè b́èphòb́ècŏ tòcò kè b́èphòb́ècŏ d́ò̆è. Agī thĭib́è d́asĕ tòcò kè̄ b́è bēthĭ da thĭ d́ò̆è. Mègōnu akhoacè̆ Kib́ĭcè abija tcahtĭ tòcò gò̄ khòthad́ò̆b́è kî cò òib́è dèb́u.”

¹¹ Mèhwă d́ō ja tcahtîgè dèphodèwe akhŭ alewe tod́ŏ; ahèhtakô d́ŏ habu nu; ano ò gīb́ò̆ acab́ô̆ thŏpho nu, ḿî agèjè acab́ô̆ Wudo nu.

¹² Dèphodèwe akhŭ ajo tod́ŏ ḿî aŭsu tod́ŏ azô, kî amè d́èlò̄d́èkhò̆ aphlŭathere gŏlālā, ahna bija Lākhopho gŏlāla thèb́è̆hta aŭsu tod́ŏ htè dèthĭ abulebukle òwè̄ alò hlè̆mè̄ htŏ nu.

¹³ Kî amè dèbòdèba pwĕ acab́ô̆ ajo ladē hmî d́ŏ Mò̄kho b́ĕ bija tòcò tca dîgrî̄nî̄ akhè̆ nu.

¹⁴ Kîd́ò̆ ahlòniplènigè gajă bija lākhopho tòcò d́ŏ dèbòdèba htè ab́èilani agè̄ mè d́ŏ dèphodèwe akhŭ aŭsu tod́ŏ ahlò̆mò̄ nu. Dèphodèwe akhŭ gīd́ŏ tod́ŏ hna prahtagè lōwa tòcò dèjò dèdè̆ d́ŏ dèmèhĭmèhtè̆ dèphodèwe akhŭ htè ab́è bēthĭ d́athĭ i d́asĕ nòthò̆ aòthôḿô̆we tod́ŏ nu ajò nu.

¹⁵ Dèphodèwe akhŭ gīd́ŏ tod́ŏ b́è ilani akè thènī dèthôḿô̆ d́ŏ dèphodèwe akhŭ akăhtî tod́ŏ ajò abu nu d́ō, ajî̄b́è zagè, kî agè̄ mèthĭ bija arră htè atè thèb́è̆ cè ńò tòcò nu.

¹⁶ Ahnanohnabègè bija gŏ abwè adodo ascisci, ajèdādā, assègnè̆gnè̆, zôphopho kî aòhlô̆òlala, zu phuŭ lōwa acukhò dèhtwè dòkhò̆ ḿî̆dîmî ńò, amēbòlò.

¹⁷ Ati i bija atè b́èphuŭ kî dèphodèwe akhŭ ami ḿî̆dîḿî ńò ahnèd́ô agè mè kŭagwāa ḿĭdîḿî ńò agî̄ bwî gè̄ sè̆dè ńò.

¹⁸ B́èkî gā za gā bla azî̄azô̄ d́o; Gajă bija htè aò kî dèzadèbla dèbwèbwè kô d́ô za tèpwè dèphodèwe akhŭ ahnèd́ô ahtabohtab́ă, manè̄, dèd́ô ḿî tèpwè bija dèbwè ami lò. Aḿî tèpwè 666 lò.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ