အွန်လိုင်း သမ္မာကျမ်းစာ

3 Zowănnī 1 - Geba Roman New Testament

¹ Jè adoabwe hnŭsè jò thò Kăjō htè jè b́èlò̄ d́ŏ dèdî̄dèhma abu nu.

² Ŏ athò, jè thèb́è̆hta tèpwè ni nikhĭ cab́ô̆htè ńò kò òmòòma kî òsôòhmabò̄ acab́ô̆ jî thîhè̆ d́ŏ nî ḿî aò kî tha adèmô̄dèhma nu.

³ Ja thalōthalaisô b́ĕ thè̆buthè̆we tòcò cò le kî d́ò̆sagè jè d́ŏ nè dèòhmeòglo dèdî̄dèhma abu kî nè dèòthôḿô̆ dèdî̄dèhma abu nu.

⁴ Dè amè thalōthalai jè d́olĭ kî jî thîhè̆b́è jo pho ji li tòcò ò thôḿô̆ d́ŏ dèdî̄dèhma abu nu tò ògè dimĭ ńò.

Kăjō B́èhtăikòi

⁵ B́èlò̄ nè, jò thò, nè mèthuŭthèègè b́ĕ na tcaikhwèigè Krĭstupho alewe htè aḿî tî̆dotî̆tèḿè̆ tòcò nu.

⁶ Cè tòcò khathè̆thîgè nè dèb́èlò̄ d́ŏ Dèòplo thèd́è̆plo ahlò̆mò̄ nu. Khòthad́ò̆ mèzobò̄ cè tòcò cab́ô̆htè ze gē le ahlò̆mò̄ d́ŏ Kib́ĭcè aklèthòò̆ abu nu kî agî̄ ḿî tèpwè dè amèmò Kib́ĭcè atha.

⁷ Cè tòcò hèhta ḿîgè d́ŏ Kib́ĭcè ami abu lò, kî cò tò d́ògòdògè bwèthŭkupho tòcò da anikhĭ dimĭ ńò.

⁸ Gōnu akhoacè̆, wa Krĭstupho tòcò kè̄ b́è mèzo bija ajo tòcò jo, cab́ô̆htè wè gè̄ kèhtabò̄ amèplodè kî cè tòcò d́ŏ dèdî̄dèhma anikhĭ nu.

Diotrĕphès kî Dimĭtrius

⁹ Je hweni htŏ dèòplopho tòcò cèpho tèb́è, ḿî Diotrĕphès aòi cè dèbwè dè lèkhagè wa ńò.

¹⁰ Mègōnu d́ō, b́eḿĕ jo gō dole d́ō, jò kò d́ò̆sakò̆ bija gŏ abwè htè zè mègè ze ne ca b́a cadè̄ kî za jāsògè wa cadè̄ nu. Gōnu ada hwă hnî̆ńò, zè dè lèkhagè wè thè̆buwe tòcò nu akhlŏ zè mèd́îd́ă d́ò̆ bija alewe tòcò agè̄ mègōnu kî zè lè̄ tèpwè cè tòcò dèòplo akhlŏ dòkhò̆.

¹¹ Ŏ jò thò, tcahlô̆tcad́ò̆bò̄ ḿè bija ajo tòcò adèmè atè è ńò ḿè, ḿî tcad́ò̆bò̄ dè aè dòkhò̆. Bija amèdè aè ḿî Kib́ĭcè apho, ḿî bija amèdè atè è ńò dèbwè dè kèhtîgè Kib́ĭcè da kha ńò.

¹² Bija gŏ abwè htăi tèpwè Dimĭtrius; dèdî̄dèhma thè̆ne ò tèpwè cò ò dòkhò̆. Wa ḿî ḿî wô thô̆htô tèpwè cè kî thĭ thîhè̆ tèpwè wè dèthô̆htô ḿî ab́è nu.

Dèhnŭsè Agudulă

¹³ Jò mò d́ò̆sa nè dè awîakè̆ ò pwĕdimi, barasă je de hwelai bāb́ò̆ kî hmîhtĭ ńò.

¹⁴ Ja sascĭi agā tcahtî nè kî dòdò̄majahtî nè thè̆ne.

¹⁵ Dècodèmò kè̄ b́è d́ò̆è nè, ńò thò ne de tòcò hnŭsè nè; hnŭsèbò̄ wò thò tòcò dèbwè dèbwè d́ŏ ne neb́î̆cè thè̆ne.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ