အွန်လိုင်း သမ္မာကျမ်းစာ

2 Thèssalò̆nika 3 - Geba Roman New Testament

Dathèb́è̆htabò̄ Wi Nikhĭ

¹ Thè̆buthè̆we tòcò, alekăgudŭ nu, thaè d́ò̆sa jè thĭ ḿî cab́ô̆htè Kib́ĭcè aVanzĕlo kè̄ b́è hèbò̄iplaplăbò̄ d́ŏ dè ale dagwālè̄ acab́ô̆ amègè d́ŏ thĭ kho thĭ klè̆ nu anikhĭ, thèb́è̆htabò̄ wi nikhĭ.

² Thèb́è̆htakôbò̄ cab́ô̆htè Kib́ĭcè ki ihlô̆bò̄ kè kî bija adîdî̄dahma ńò kî bija akî̆kkèmèhlò̆ acukhòbu nu. Manè̄, bija gŏ abwè tu b́ugè Vanzĕlō ńò acè̆ nu.

³ Nòthò̆ hnò̆nu, Kib́ĭcè ḿî dèdî̄dèhma Ab́ĭcè akhoacè̆, Zè gè̄ mèsô htakò̆ thĭ tha adèkhodèă, gō woikhai nikhĭ thĭ dèkî̆kkèmèhlò̆ dèbwè nu.

⁴ Wî B́ĭcè ilani wa tha htè ab́u nigè thĭ, kî wu b́u thĕbwe d́ŏ thĭ mègè acab́ô̆ wò d́ò̆sa thĭ, kî le ahlò̆mò̄ nu thĭ gè̄ mèwe tèpwèpwè.

⁵ B́ĭcè kè thè̆le d́ò̆è thĭ klè cab́ô̆htè thĭ gî̄ thîhè̆ òèhtabò̄ Zè dèb́èlò̄ kî thĭ gā khakèhtabò̄ acab́ô̆ Krĭstu nu.

Bija B́è mèdè Gŏ abwè

⁶ Thè̆buthè̆we tòcò, wè hmèla thĭ d́ŏ B́ĭcè Jezŭ Krĭstu ami abu cab́ô̆htè thĭ gè̄ hèkô̆bò̄ bija ab́udè d́ŏ aòkoòklô kî adô lôkô we dèhtulahmèla akă ńò tòcò nu.

⁷ Thĭ thè̆ne thĭ thîhè̆ thuŭthèè tèpwè htè thĭ mò mèdè acab́ô̆ we mègè nu.

⁸ Wa ta ahnahnă bija dè ńò. Ḿî wu htukhohtuă mèdè thè̆musè̆sè̆ munènè, cab́ô̆htè wî gî̄ dî ḿîbò̄ dèb́idèzā thĭ nikhĭ dèbwè̆ ńò nu.

⁹ Wè mèdè gōjo nu, tè b́è wa da ta thĭ dèb́oab́oò̆ wa acè̆ ńò. Ḿî cab́ô̆htè thĭ ka tcahlô̆cad́ò̆bò̄ wa anikhĭ nu.

¹⁰ B́ĕ wò òkôwe thĭ kă akhè̆ nu, wò d́ònènògè thĭ dèjî̄b́è, “Da thaè mè ńò d́ō, thaè abò̄ ḿè” dôhmô̆ nu.

¹¹ Wò d́ò ma gōnu nè kòd́òdo d́ō, wî thîhè̆b́è d́ŏ thĭ kho thĭ klè̆, tòcò cò òkoòklô, da thaè phî thaè mè dimĭ ńò, ḿî ahè mèd́îd́od́îd́ă bija alewe tòcò adèmè akhoacè̆ lò.

¹² D́ŏ B́ĭcè Jezŭ Krĭstu ami abu nu, wè mè gomohtani cè tòcò cab́ô̆htè cò kò ò thôḿô̆ b́èleb́èklègebò̄ kî phîamèa thuŭthèèbò̄ nu.

¹³ Thè̆buthè̆we tòcò, ḿî thĭ nu, lab́oladābò̄ ḿè d́ŏ thĭ dèmè awîaè abu nu ḿè.

¹⁴ Wè dè d́òŭd́ò̆sa aò hwela cèborŏ abu tòcò nu, adò sòkhĕńe ńò kò ò za tèpwè. Bè̄thobè̄thabò̄ cab́ô̆htè za ka thăwālage dò̆ ze ne anikhĭ nu, mèb́ôhtîbò̄ ḿè thĭ ne kî cè tòcò dimĭ ḿè.

¹⁵ Nòthò̆ hnò̆nu, bè̄bò̄ ḿè cè acab́ô̆ d́ĕd́ò ḿè. Ithidĭbò̄ cè acab́ô̆ thè̆buthè̆we nu.

Dèd́ò̆sa Alekăgudŭ

¹⁶ B́ĭcè ai kè dècodèkhli dèbwè ki ilani d́ò̆è thĭ dècodèkhli, dèmòdèma d́ŏ thĭ dèòthôḿô̆ aklè gŏ ab́ò̆ abu thèjô̆ nu. Kib́ĭcè kò òkô d́ò̆è thĭ lŏcăcè akă nu.

¹⁷ Cèphlo ajo tòcò, je hwei ju cukhò lò. Jè, Păulu, ju hnŭsè tèpwè thĭ d́ŏ cèborŏ gŏ ab́è agudulă nu, je sela ji mi gōjo gŏ ab́è lò. Je hwe jè è̆ gōjo lò.

¹⁸ Wî B́ĭcè Jezŭ Krĭstu adèhludètă kè̄ b́è d́ò̆è thĭ gŏ abwè.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ