အွန်လိုင်း သမ္မာကျမ်းစာ

2 Kòrĭn 13 - Geba Roman New Testament

Dèithidĭ Agudulă kî Dèhnŭsè

¹ Je lehtî htŏ thĭ thŏpla tapla jo. Aloba thĕbwe bija agā kha thè̆thî d́ŏ dèsajò anikhĭ, asciphogudu gībwè kî thŏbwè, acab́ô̆ Cè Tcahtĭ d́ò nu.

² Ja thaè d́ò̆sa thĭ amègè dèkhòwè hlĕ aŭsu nu tòcò kî bija gŏ abwè, htè jò d́ògè b́ĕ jo dohtî thĭ gīpla tapla nu, ḿî khŏnujo jò kò d́òwe b́ĕ jò ò d́ŏ ajî nu nu; je gē le kòd́ò̆ athè̆ tapla be nu, dèkhòwèhmòb́è kò tò ò be ńò.

³ Thĭ thaèni thè̆thî htè Krĭstu jî̄b́è d́ŏ ju bu nu, thĭ gī nib́è lŏ tèpwè. Thĭ thîhè̆ Cè tè b́è asciaze ńò, ḿî Cè d́è̆lî̄hta dèkhodèă d́ŏ thĭ klè̆ dòkhò̆.

⁴ Manè̄, Cè b́è htalaglothĭgè Krusu alò d́ŏ dèkhozeăze abu, nòthò̆ hnò̆nu, Cò ò thôḿô̆we d́ŏ Kib́ĭcè adèkhodèă abu nu. D́ŏ dèlè̄plohta we ne kî Cè abu nu wa ḿî ḿî wo khozeăze lò. Ḿî thĭ nikhĭ wò kò ò thôḿô̆ plokò̆ Cè d́ŏ Kib́ĭcè adèkhodèă abu nu.

⁵ Gomocalagebò̄ thĭ dèò, kî mèladigebò̄ thĭ dèb́udènè ḿî aòhmeòglo pwè ā? nu. Htôcad́è̆tcage thĭ ne. Thĭ ŏlăphlala tèpwè htè Jezŭ Krĭstu ò d́ŏ thĭ bu nu tèb́è ńò ā?

⁶ Ju b́u tèpwè thĭ gî̄ thîhè̆ htè wu du su b́è ńò nu.

⁷ Wè thèb́è̆dahta Kib́ĭcè cab́ô̆htè thĭ gè̄ dè mèbò̄ dèkèḿè dimĭ ńò nu. Ajo ḿî tèb́è wa thaè d́è̆lî̄hta wo no wè bègè akhoacè̆ ńò, ḿîwî ḿî nòthò̆ acab́ô̆ asuapa tòcò hnò̆nu, wa thaè thĭ gè̄ mèdè htè ab́èabò nu dòkhò̆.

⁸ Manè̄ d́ō, dè ahtad́ĕd́ò dèdî̄dèhma tòcò nu, wè dè mè za tèpwè domŏ ńò, ḿî wò òkô dèdî̄dèhma akă dòkhò̆.

⁹ Wo kho wa ă tò ò nòthò̆ ńò hnò̆nu, thĭ khob́ăădo d́ō wa thaganāi tèpwè. Wè thèb́è̆ thĭ nikhĭ cab́ô̆htè thĭ gē pĕhtazòhtabò̄ nu.

¹⁰ Ajo acè̆ jò ò d́ŏ ajî nu kî hweni thĭ cè, cab́ô̆htè b́ĕ jo dohtî thĭ nu jè gè̄ dè mèsôbò̄ thĭ d́ŏ Dèado ila jè aphlŭathere agè̄ mèlehtalehtô̆ thĭ anikhĭ, kî tèb́è agè̄ mèkè̆mèô thî anikhĭ ńò nu.

¹¹ Khŏnujo, ŏ thè̆buwe tòcò, wu hnŭsè thĭ dèmòdèma. Htukhohtuă cab́ô̆ bija gè dè kèhtîbò̄ thĭ dèkèḿè dimĭ ńò anikhĭ nu. Sòkhĕńebò̄ jè dèdamò thĭ, mèzoazohlèbò̄ lōwa dèbwè kî dèbwè. Òbò̄ dèmòdèma abu, kî Kib́ĭcè adèb́èlò̄ kî adècodèkhli kô òkô d́ò̆è thĭ kă.

¹² Hnŭsèhlèbò̄ lōwa d́ŏ dèhnŭsè tcahtĭ abu nu.

¹³ Bija Tcahtĭ lŏcăcè hnŭsè le thĭ.

¹⁴ B́ĭcè Jezŭ Krĭstu adèhludètă kî B́ĭcè Pa adèb́èlò̄ kî Spirito Tcahtĭ adèlè̄plo kò̄ òkô d́ò̆è thĭ lŏcăcè akă.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ