အွန်လိုင်း သမ္မာကျမ်းစာ

1 Zowănnī 2 - Geba Roman New Testament

Amèzo Wa Krĭstu

¹ Je hweni thĭ cè ajo, jo pho ji li tòcò, cab́ô̆htè thĭ gè̄ dè mèbò̄ dèkhòwè ńò nu; ḿî bija dèbwèbwè gè̄ mè dèkhòwè d́ō ad́ònikhĭsanikhĭ wa d́ŏ Apa ò nu ò tèpwè, htè Jezŭ Krĭstu, adî̄ahma dèbwè nu.

² Kî Krĭstu ḿîgè dèhlu aphîkè̆ dèkhòwè, kî tè b́è htĕ wè dèkhòwè lò ńò, ḿî bija lākhopho lŏcăcè adèkhòwè nu.

³ Wò òi Kib́ĭcè adèhmèla khaĺè, wò d́ò zakò̆ wî thîhè̆ Kib́ĭcè.

⁴ Bija htè atò òi Kib́ĭcè adèhmèla ńò kî ad́ò, “Jî thîhè̆ Cè,” dèbwè nu, Cî ḿî aplèdè kî atò òi dèdî̄dèhma ńò dèbwè nu.

⁵ Barasă bija dèbwèbwè gò̄ sòkhĕńe ma Zè lē zè hwè d́ō, Kib́ĭcè adèb́èlò̄ pĕhta d́ŏ Zò lò nu. Wò d́ò ladîlase za tèpwè htè Cò ò d́ŏ Kib́ĭcè abu nu.

⁶ Bija dèbwèbwè htè ad́ò d́ŏ aò d́ŏ Kib́ĭcè abu nu, zò mò ò thôḿô̆ acab́ô̆ Jezŭ Krĭstu mègè nu.

Dèhmèla Athè̆

⁷ Jè b́èlò̄ thĭ jò thò tòcò, tè b́è je hwe d́ò̆sa thĭ dèhmèla athè̆ ńò, ḿî alila lò, htè dèilanigè thĭ hlĕ mocè̆kho nu. Dèhmèla akăhtî htè ab́èleigè d́ŏ thĭ ò htè thĭ thîhè̆bè htŏ domo nu.

⁸ Alewe domo ḿî je hweni thĭ cè ajo ḿî je lei thĭ dèòbija d́ŏ zu bu nu, aḿî dèhmèla athè̆; manè̄ d́ō, dèkhi phlòtôlô htŏ kî dèhlî̆ athĕbwe hlî̆ htŏ.

⁹ Gajă bija ad́òla ane aò dèhlî̆ aklè̆, barasă adèwè̄dèsè̆ athè̆buwe ńò dèbwè nu, cò òwe dèkhiklè̆.

¹⁰ Ḿî d́ò̆ bija ab́èlò̄ athè̆buwe dèbwè nu, cò òwe dèhlî̆ aklè̆ kî cè gè̄ tè b́èhjŏkò̆ agè̄ htè̆thukŭ ńò.

¹¹ Zî gî̄ ḿî acab́ô̆ bija adè wè̄ athè̆buwe ńò acè̆ kî aòwe dèkhiklè̆, zè hè dèkhiklè̆, ze le ze ge d́òlè̄ nu, zî dî thîhè̆ ńò, dèkhisô d́ō ata tcahtî za ńò dèbwè nu ńò.

¹² Je hweni thĭ jo pho ji li tòcò, htè thĭ dèkhòwè b́ahlô̆ htŏ d́ŏ Krĭstu ami abu nu;

¹³ Je hweni thĭ apa tòcò, htè athîhè̆ htŏ Cè htè aò hlĕ akhahtîkhab́ò̆ tòcò nu, je hweni thĭ ab́òĺòpho tòcò, htè anoabè htŏ akî̆kkè tòcò nu.

¹⁴ Je hweni thĭ abĭsèpho tòcò, manè̄ thĭ thîhè̆ htŏgè apa. Je hweni thĭ apa tòcò, manè̄ thĭ thîhè̆ htŏgè Cè htè aògè hlĕ akhahtîkhab́ò̆ dèbwè nu. Je hweni thĭ ab́òĺò tòcò, manè̄ d́ŏ thĭ khob́ăădo kî Kib́ĭcè Alēahwè òkô htŏ thĭ kă, kî thĭ no thĭ b́è htŏ akî̆kkè dèbwè nu.

¹⁵ Thĭ tè b́èlò̄b́è aò lākho ḿĭdîḿî ńò dè ab́èkja lākho ńò. Thĭ kè b́èlò̄ ma lākho d́ō thî dèb́èlò̄ Pa tò ò tèpwè thĭ bu ńò.

¹⁶ Manè̄ d́ō, gajă ḿî dè ab́èkja lākho—ḿî dèphedèhî adèmò, gādŭ adètcahtî, kî dèbè̄htahtô̆ ane d́ŏ ŭcalèkjă akhoacè̆, dè ajo dèzè̄ tò ò za d́ŏ apa ò nu ńò, ḿî ab́èkja Lākho lò;

¹⁷ Lākho kî dè aò abu lŏcăcè tòcò htè bija thaènigè nu ge letôlô tèpwè, ḿî bija amè Kib́ĭcè adèthaèni dèbwè kò òb́è thèjô̆ lahtŭlablokò̆.

Krĭstu Athè̆d́ĕd́ò

¹⁸ Pholi tòcò, khŏnujo ḿî muni agudu b́ôhtî htŏ; thĭ thîhè̆ htŏ tèpwè Krĭstu athè̆d́ĕd́ò gē leb́èkò̆ nu, kî khŏnujo Krĭstu athè̆d́ĕd́ò òèòò pòhta htŏ; ajo akhoacè̆ wî thîhè̆kò̆ ajo ḿî muni agudulă tòcò nu.

¹⁹ Ahtakhokă Krĭstu ajo tòcò nu, cò òhtagè d́ŏ wo kho wè klè̆ nu, ḿî cè tòcò tè b́èkjagè wa ńò. Cè gè̄ b́èkja ma wa d́ō, cò kò òkô tèpwè wa kă, ḿî zè hèbāgè wa akè d́è̆lî̄hta htè cè tè b́èkjagè wa dèbwè̆ ńò nu.

²⁰ Ḿî thĭ nu, Atcahtĭ dèbwè htôrôgè thĭ kî Si tcahtĭ kî thĭ nib́ègè dèdî̄dèhma.

²¹ Tè b́è thĭ dî thîhè̆ dèdî̄dèhma htè je hwe d́ò̆sa thĭ tòcò nu ńò, ḿî thĭ thîhè̆ htŏ dèplèdèhlŭ tò ò kèhtakô zè dèdî̄dèhma ńò nu.

²² Bija htè aplèdè ḿî bò̄bwè? Ajab́i Jezŭ ḿî Krĭstu dèbwè nu zî ḿî bò̄bwè? Zî ḿî Krĭstu athè̆d́ĕd́ò kî za jab́i B́ĭcè Pa kî B́ĭcè Pho.

²³ Bija htè ajab́i B́ĭcè Pho nu za jab́i B́ĭcè Pa; kî bija htè aphîni B́ĭcè Pho tòcò cî ḿî aphîni B́ĭcè Pa papa.

²⁴ Mègōnu d́ō, dè htè thĭ thîhè̆b́è htŏ hlĕ akăhtî tòcò nu òibò̄ thĭ tha abu nu. Thĭ kò òi ma dè htè thĭ thîhè̆b́è hlĕ akăhtî tòcò nu d́ō, thĭ kò òb́è tèpwè d́ŏ B́ĭcè Pho kî B́ĭcè Pa abu nu.

²⁵ Ajo ḿî dèaḿăkhai Krĭstu ilanigè wa dèòthôḿô̆ lahtŭlablo.

²⁶ Je hweni htŏ thĭ dè awîakè̆ ab́èkja bija ahèphròihŭ thĭ klè tòcò nu.

²⁷ Ḿî thĭ nu, Krĭstu htôrôgè thĭ kî Spirito Tcahtĭ nu. Kib́ĭcè aSpirito Tcahtĭ kò̄ òkô thĭ kă athŭtherĕ, ado loba mè bija gô̄ thôithò̆i thĭ dèbwè̆ ńò. Spirito Tcahtĭ thèhlô̆ i thi dègŏmihtĭda ḿî lŏ dè ab́è lò, tè b́è aplè ńò. Mègōnu d́ō, mèkôbò̄ acab́ô̆ Spirito Tcahtĭ adèthèihŭ thĭ kî òbò̄ d́ŏ Krĭstu abu nu.

²⁸ Kîd́ò̆ khŏnujo, pholi tòcò, òbò̄ Zu bu cab́ô̆htè b́ĕ Cè d́è̆lî̄hta Ze ne akhî nu, wa tha gū khŭhta kî we gè̄ dè sèò̆hubò̄ d́ŏ Zò hlò̆mò̄ d́ŏ dèthăwā aklè̆ ńò nu.

²⁹ Thĭ gî̄ thîhè̆ b́eḿĕ htè Krĭstu ḿî adî̄ahma nu d́ō, thĭ gî̄ thîhè̆ tèpwè bija htè adî̄ahma dèbwè nu Cò òla htŏ d́ŏ lōwa abu nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ