အွန်လိုင်း သမ္မာကျမ်းစာ

1 Thèssalò̆nika 4 - Geba Roman New Testament

Dèòthôḿô̆ Ab́è Kib́ĭcè Atha

¹ Ŏ thè̆buwe tòcò, alekăgudŭ ḿî thĭ mèhlô̆mènigè dè d́ŏ wò ò htè dèòthôḿô̆ ab́è Kib́ĭcè atha ḿî danè̄ nu. Thĭ ò thôḿô̆kô acab́ô̆ gōnu akhò̆ lò. Khŏnujo, wa damòb́è thĕbwethîlî̆ thĭ d́ŏ B́ĭcè Jezŭ ami abu thĭ kò ò thôḿô̆ è d́olĭkî anu lò.

² Manè̄ d́ō, thĭ thîhè̆ tèpwè dè htè wè thèhlô̆ thĭ d́ŏ B́ĭcè Jezŭ ami tòcò nu.

³ Kib́ĭcè thaèni thĭ kò̄ ò thôḿô̆ òwîòtcă kî sèkô̆nibò̄ amihmu mikhŏ dèlakèmè nu.

⁴ Thĭ amikhŏ tòcò thĭ mò òkô thĭ hmè̆ akă d́ŏ dèwîdètcă kî dèd́ŏdèja aklèthòò̆ abu nu,

⁵ kî tè b́è d́ŏ phehî adèthaèni abu, acab́ô̆ bwèthŭkupho tòcò mègè nu ńò.

⁶ B́ĕ ab́èkja dè ajo nu, bija tè b́è mèkèḿè kî wāhlè anikhĭ d́ŏ thè̆buwe ab́udè tòcò akho dimĭ ńò.

⁷ Kib́ĭcè dô rôhta wa d́ŏ agô̄ lô phehî adèmòdèma anikhĭ ńò. Ḿî Zo jogè wa d́ŏ dèòthôḿô̆ atcahtĭ abu lò.

⁸ Mègōnu d́ō, bija adî phîni dèthèhlô̆ ajo ńò dèbwè nu, tè b́è zî dî phîni bija aè̆ ńò, ḿî zî dî phîni Kib́ĭcè htè ai thĭ aSpirito Tcahtĭ dèbwè aè̆ ńò nu.

⁹ Ab́èkja dèb́èlò̄ thè̆buwe ab́uge dè nu, amò hweni thĭ cè ale tò ò tèpwè ńò. Thĭ thè̆ne thĭ thîhè̆ tèpwè Kib́ĭcè thèhlô̆ htŏ thĭ htè thĭ kè b́èlò̄hlè lōwa cadè̄ nu.

¹⁰ Hnèhnè dòkhò̆, thĭ mè tèpwè gōjo d́ŏ thĭ thè̆buwe aò Macedŏniage tòcò aklè̆ thèd́è̆htĭge d́o htŏ. Nòthò̆ hnò̆nu, wa damòwed́ò̆ thĭ agè̄ mè d́olĭ we ajo nu.

¹¹ Bè̄labò̄ thĭ tha akò òcoòkhli, mèb́èkjabò̄ ḿè thĭ ne kî bija lewe adèphîdèmè tòcò ḿè, Kî htukhohtuă phîamèabò̄ acab́ô̆ aŭsu wò dò̆sagè thĭ nu.

¹² Thĭ gè̄ mè ma gōnu d́ō, thĭ gī nib́è tèpwè bija atu b́udè ńò tòcò adèd́ŏdèj́a thĭ kî gā da sascĭib́èkò̆ dèmèzo d́ŏ bija ò dimĭ ńò.

B́ĭcè Adèlela

¹³ Thè̆buthè̆we tòcò, wa thaèni tèpwè htè thĭ gî̄ thîhè̆ ladîlase dèdî̄dèhma ab́èkja athĭ tòcò adèhtaboge nu, cab́ô̆htè thĭ kò tò òbò̄ dèothootha acab́ô̆ bija adèsascĭi tò ò ńò tòcò akhò̆ ńò nu.

¹⁴ Wu b́u d́ŏ Jezŭ thĭ kî Za htaboge dèthĭ aklè̆ htŏ. Cab́ô̆ gōnu akhò̆, bija htè athĭgè d́ŏ dèb́udènè Jezŭ abu tòcò nu, Kib́ĭcè gā hna wè̄sò̆htoge ploplokò̆ Cè nu.

¹⁵ Dè htè wò d́ò̆sa thĭ khŏnujo tòcò nu, ḿî acab́ô̆ B́ĭcè adèthèhlô̆ akhò̆ nu lò. B́ĕ B́ĭcè lela asŏakhè̆, wa, htè aòthôḿô̆ bija we tòcò nu, tè b́è wo gō dole ŭsu bija athĭ hwăgè tòcò ńò.

¹⁶ Dèkèwo alē gè̄ thèhta sôtèklè, Mò̄kho adogudŭ dèbwè alē kî Kib́ĭcè akhaja alē gè̄ thèhta kî B́ĭcè thè̆ne gē lela d́ŏ Mò̄kho lò. Bija htè athĭgè d́ŏ dèb́u Krĭstu abu tòcò gā htaboge ŭsugudŭkò̆.

¹⁷ B́ĕnu akhî, wa htè aòthôḿô̆we bija tòcò kè̄ b́è zāhta ploplokò̆ cè d́ŏ dèthob́o aklè̆ cab́ô̆htè wa gā tcahtîb́è B́ĭcè d́ŏ Mò̄kholè̄ nu. Gōnu aè̆, wò kò̄ òplob́è thèjô̆kò̆ B́ĭcè.

¹⁸ Mègōnu d́ō, ikhoiă hlèbò̄ lōwa d́ŏ wè dèd́ò̆sa thĭ ajo nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ