အွန်လိုင်း သမ္မာကျမ်းစာ

1 Thèssalò̆nika 3 - Geba Roman New Testament

¹ Alekăgudŭ ḿî, wò tò òbākèhta thĭ ńò acè̆, wò tò òsô̆wô̄kèhtabe ńò acè̆, jè lè̄la ja tha agē le òda b́ĕ Athèn nu dèbwè lò,

² kî thè̆legè Timò̆theo, htè wè thè̆buwe amèplo wa Kib́ĭcè anikhĭ, d́ŏ dèd́ò̆htôla Krĭstu Adèthalōthalai Awîakè̆ dèbwè nu d́ŏ thĭ ò, cab́ô̆htè ci ki ikhoiă thĭ kî mèzo thĭ acab́ô̆ thĭ dèb́udènè gē hme gō globò̄ anikhĭ nu,

³ kî dŏ thĭ khab́ègè dèmèssègnè̆ tòcò akhoacè̆, thĭ gā da bāladēbò̄ thĭ dèb́u dèbwè̆ ńò nu. Thĭ thè̆ne thîhè̆ tèpwè htè dèkha dèssègnè̆bòdò ḿî Kib́ĭcè b́ètha wi nikhĭ nu.

⁴ B́ĕ wò òkô thĭ kă nu, wò d́ò̆sadòlògè thĭ htè phlò̆ ahlò̆mò̄ nu thĭgè kèhtîb́è dèssègnè̆bòdò, kî thĭ thîhè̆ htŏ tèpwèpwè, kî acab́ô̆ wò d́ò adĕ nu aphî̆htagè.

⁵ Gōnu acè̆, jè thè̆lekò̆ Timò̆theo d́ŏ thĭ ò nu. Jò dò khòikèhta be ńò, kî jè thè̆lekò̆ cè agē le wāhlè thîhè̆ ab́èkja thĭ dèb́u nu. Jè b́èhjŏb́èma thĭ nikhĭ htè thĭ gē lenīd́ò̆ Mod́èlî adèhnakă abu, kî dèphîdèmè htè wè mègè tòcò nu gī phî̆hta thòrò̆ ahnahnă lò hnò̆nu.

⁶ Ḿî khŏnujo, Timò̆theo gedohtîgè wa, kî cò d́ò̆sagè wa thĭ dèb́u kî thĭ dèb́èlò̄thòklè̆ htè amèmògè wa tha nu. Timò̆theo d́ò̆sagè wa htè thĭ gomohtani wa thèjô̆ lò, kî acab́ô̆ wa thaè tcahtî thĭ akhò̆ nu, thĭ ḿî ḿî thĭ thaè tcahtîgè wa wa nu.

⁷ Gōnu acè̆, thè̆buwe tòcò, b́ĕ wa khab́è dèbassègnè̆ asŏakhè̆ jo nu, wi nib́è thĭ dèikhoiă wa lò. Amèsôhtagè wè dèkhodèă ḿîgè thĭ dèb́udènè nu.

⁸ Manè̄ d́ō, thĭ ḿî ò hmeglo tèpwè d́ŏ B́ĭcè abu nu d́ō, wò ò thôḿô̆ ḿî ab́ènibòni htŏ.

⁹ Wî thîhè̆htage Kib́ĭcè d́o thĭ nikhĭ, kî wa thaganāni b́è d́ŏ B́ĭcè ahlò̆mò̄ ḿî d́ŏ thĭ kho thĭ cè nu.

¹⁰ Wa dahtadè d́ŏ wa tha thèd́è̆mè̆ thè̆musè̆munè, cab́ô̆htè we gē le kèhtî thè̆ne b́è thĭ, kî ilanibò̄ thĭ dèloba d́ŏ dèb́u abu nu.

¹¹ Wa Pa B́ĭcè kî wî B́ĭcè Jezŭ ka b́ăhtani d́ò̆è wè klè cab́ô̆htè we gē lehtîb́èbò̄ thĭ nu.

¹² Kib́ĭcè ki ilanibò̄ thĭ dèb́èlò̄ hlè lōwa kî dèb́èlò̄ bija lewe tòcò gō dohta d́olĭ kî ale, kî agā jāthôkî wè dèb́èlò̄ thĭ nu.

¹³ D́ŏ dèjo abu, ci ki isôhta thĭ kho thĭ ă, thĭ gē pĕhtazòhta kî Spirito Tcahtĭ d́ŏ Pa B́ĭcè ahlò̆mò̄ b́ĕ B́ĭcè Jezŭ lela ploplo kî bija lŏcăcè htè ab́èkja Cè tòcò nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ