အွန်လိုင်း သမ္မာကျမ်းစာ

1 Petru 4 - Geba Roman New Testament

Dèòthôḿô̆ Ab́ăkhlè

¹ Krĭstu khab́ègè dèssègnè̆bòdò d́ŏ Ze neb́î̆cè alò akhoacè̆ thĭ ḿî ḿî mèbò̄ acab́ô̆ Cè nu; manè̄ d́o, Cè htè akhab́ègè dèssègnè̆ Ze neb́î̆cè alò dèbwè nu dè mègè dèkhòwè ńò;

² D́ŏ Cò òkî phehî athŭtherĕ, Zè dèò dî ḿîgè bija athwiahtĭ adèò ńò, ḿî Cò ògè acab́ô̆ Kib́ĭcè adèthaèni nu lò.

³ Tod́odasa abu, bija tòcò mè pĕhta tèpwè bwèthŭkupho tòcò adèthaèni; òigè dè akhorokhara, dècîpôcîthŏ, dèò̆hmuapò, dègodètra, dèzòlò̄ôè̆ kî dèb́uphrò thèb́è̆phrò.

⁴ Thĭ dè mèkôgè ca kă dèkhorokhara ńò d́ō, zè htèdômô̄dahmă tèpwègè, mègōnu zô hô zò hò̆ tèpwè thĭ dòkhò̆.

⁵ Barasă za gā bajalageb́è tèpwè ze ne d́ŏ aòprahnè ane agī cirra aò kî athĭ dèbwè ahlò̆mò̄.

⁶ Dè ajo acè̆ Vanzĕlō b́è d́ò̆htôlanigè athĭ tòcò papa, cab́ô̆htè cè kè̄ b́è cirrabò̄ acab́ô̆ bija aòkî phehî kî kò òbò̄ acab́ô̆ Kib́ĭcè ò kî Spirito Tcahtĭ nu.

Awoiè Kib́ĭcè Adèila tòcò

⁷ Dèlŏcăcè adèkŭdu akhî b́ôhtî htŏ. Mègōnu d́ō, kasèwāsèbò̄ thĭ ne kî sòmò̆dôibò̄ d́ŏ dèthèb́è̆ aklè̆ nu.

⁸ Aŭsu ḿî b́èlò̄hlèbò̄ lōwa, manè̄ d́ō, dèb́èlò̄ b́ò̆b́i dèkhòwè pwĕdimi acè̆ nu.

⁹ Jo hi jo phă lōwa kî mô̄mô̄îîbò̄ ḿè.

¹⁰ Dèilani thĭ agò̄ woikèi dèbwè dèbwè ladū tòcò mèibò̄ d́ŏ dèmèzoazo hlè lōwa acîahtwè agī nib́è òèòò Kib́ĭcè adèhludètă anikhĭ nu.

¹¹ Agî̄ jî̄b́èhta dèbwèbwè d́ō, zè dèjî̄b́è gî̄ ḿî d́ò̆è Kib́ĭcè alēahwè. Agī igetcage dè dèbwèbwè, zè dèmèzo gî̄ ḿî d́ò̆è Kib́ĭcè adèikhoiă; cab́ô̆htè d́ŏ dè gŏmimi aklè̆, Kib́ĭcè kè̄ b́è kòihtăibò̄ d́ŏ Jezŭ Krĭstu htè dèdòdèthe kî htĭge ḿî dèthôḿô̆ lahtŭlablo Cè è̆ dèbwè nu ami abu nu. Amèn.

Dèdudèkha Acab́ô̆ Krĭstupho Dèbwè Akhò̆

¹² B́èlò̄ thè̆buwe tòcò, htèniwĭniwabò̄ ḿè d́ŏ thĭ dèdūb́èkhab́è azôasè̆ sô acè̆, gomobò̄ ḿè dècòklîcòhjè̆ phî̆htani thĭ nu ḿè.

¹³ Ḿî thaganāibò̄ d́ŏ thĭ dènib́èkô Krĭstu adèssègnè̆bòdò akă thĭ kè̄ b́è bè̄htajîbò̄ b́ĕ Cè kè d́è̆lî̄hta Zò dò Ze the amuni abu nu.

¹⁴ Thĭ kè̄ b́è gòsè̆lèwè̄ b́eḿĕ d́ŏ thĭ ḿî Krĭstu akhî̆abwè acè̆ nu d́ō, thĭ kè b́èhôwî dòkhò̆, manè̄ d́ō, Kib́ĭcè kî Zî Spirito Tcahtĭ ahĭahtè̆, adèdòdèthe kî adèkhodèă gō sò̆lăkò̆ thĭ kho akhoacè̆ nu.

¹⁵ D́ŏ thĭ klè̆ nu i ḿè bija akè b́èphòb́ècŏ d́ŏ amèthĭ bija, a ahudè, adohôdohò̆ kî awî̄nīsanī bija dèwîdèkè̆ abu tòcò akhoacè̆ nu dèbwè̆ ḿè.

¹⁶ Bija dèbwè gā khab́è ma dèssègnè̆ acab́ô̆ Krĭstupho akhò̆ nu d́ō, thăwābò̄ ḿè, ḿî bè̄dòbè̄thebò̄ Kib́ĭcè dòkhò̆.

¹⁷ Manè̄ d́ō, dècirra amuni gohta htŏ d́ŏ Kib́ĭcè ahibu nu; mè nòthò̆ do hnò̆nu, agò̄ gohta ma d́ŏ wò lò nu d́ō, bija tu b́u Kib́ĭcè aVanzĕlo ńò tòcò anikhĭ dè gè̄ mèbò̄ ane cadè̄?

¹⁸ Cè Tcahtĭ d́ò; “Bija adî̄ahma dèbwè kè̄ b́è hlô̆hta anikhĭ agā ba pwĕ gōnu d́ō, ab́icèklèhtò tò ò ńò kî dèkhòwèpho tòcò gè̄ mèkò̆ aneab́a cadè̄ lò?”

¹⁹ Mègōnu d́ō, akhab́èjab́è d́ŏ Kib́ĭcè adèthaèni abu d́ŏ zè dèphîdèmè awîaè acè̆ tòcò nu, ki ilani d́ò̆è ca tha d́ŏ Ab́òladè htè aò kî dèdî̄dèhma dèbwè acukhòbu nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ