အွန်လိုင်း သမ္မာကျမ်းစာ

1 Kòrĭn 8 - Geba Roman New Testament

Dèb́è̆lăni Bwèjò Adèa

¹ Khŏnujo gā tca caḿa bija mèd́ui bwèjò dèhîdèb́a awîakè̆ nu. Ab́è tèpwè, htè cè tòcò d́ò, “Wa gŏ abwè thîhè̆ tèpwè ab́èkja dè ajo nu.” Barasă d́ō, dèthîhè̆ mèhtajî bija thwi. Ḿî dèb́èlò̄ mèni dèlehtalehtô̆.

² Bija dèbwè gō gomo ḿî cî thî dè domo, ḿî zò mò mè cadè̄ nu, zî dî thîhè̆ ńò ḿî ḿî ò za za.

³ Barasă bija ab́èlò̄ Kib́ĭcè dèbwè nu, Kib́ĭcè thîhè̆ cè.

⁴ Ab́èkja dèa bija amè d́ui bwèjò tòcò nu, wî thîhè̆ tèpwè htè d́ŏ Lākho jo nu, bwèjò ḿî adègemeelô tò ò tèpwè ńò. Manè̄ d́ō, Kib́ĭcè dèbwè lò akhlŏ B́ĭcè alewe tò ò ńò acè̆ nu.

⁵ Bija jo B́ĭcè kò ò nòthò̆ hnò̆nu, d́ŏ Mò̄kho ḿîwî, d́ŏ Lākho ḿîwî, zî gî̄ ḿî nòthò̆ B́ĭcè hwahwă, Dèado hwahwă,

⁶ wi nikhĭ nu Kib́ĭcè ò dèbwè lò, htè Apa, wò òhtakô akă kî dè gŏmimi nib́è adèò dèbwè, kî wî B́ĭcè Jezŭ Krĭstu htè dè gŏmimi òhtakô kî wò òhtakô dèbwè lò.

⁷ Bija tòcò cò dî thîhè̆ dèdî̄dèhma ajo ńò. Tòcò cò ḿî a anènògè sèa bija mèd́ui bwèjò ahlò̆mò̄ tòcò nu d́ō, zè dègomo akhoaă jòlagè, zo gomo ḿî amè cîb́î̆còb́ògè cè tòcò nu.

⁸ Dèadèò̆ nu adeleiza wa d́ŏ Kib́ĭcè ò ńò hŏ. Wa ka ta a ma cè ńò d́ō, wu du su da pa tèpwè dè dimĭ ńò. Wa ka aḿî ḿî ado khlŏhtamame tèpwè ńò ńò.

⁹ Wolakhalaibò̄ thĭ ne d́ŏ dè mèi thĭ dèòhlô̆òla ajo dèdè̆ acè̆ cab́ô̆htè agî̄ dî ḿîbò̄ adèb́u scipho tòcò anikhĭ bòbu ńò nu.

¹⁰ D́òmò̄kô bija adègomo hto dèbwè, tcahtî nè htè “adèthîhè̆ ò” dèbwè abija tè bwèjò asè d́ŏ hnèhibu nu d́ō, zè dègomo hto nòthò̆ hnò̆nu, agî̄ ḿî za tèpwè dè aikhoiă cè akā abwèjò asè nu.

¹¹ Mègōnu nè dèthîhè̆ phî̆hta za tèpwè nè thè̆buwe adèladēlahlô, cè htè Krĭstu thĭ nikhĭgè dèbwè nu.

¹² Nè gè̄ mèkèḿè ma nè thè̆buwe dègomo akhoaă tò ò ńò dèbwè gōjo d́ō, mè acab́ô̆ nè mè kèḿè Krĭstu thè̆ne nu.

¹³ Sèasèò̆ gî̄ ḿî za ma jè thè̆buwe adèladēlahlô d́ō, alekholekă ja ta a pĭpi be dèhîdèb́a gōnu dèzè̄ ńò.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ