အွန်လိုင်း သမ္မာကျမ်းစာ

1 Kòrĭn 2 - Geba Roman New Testament

Akhathĭ ane Krĭstu Adèd́ò̆htô

¹ Akè b́è jè d́ō, Ŏ thè̆buwe tòcò, hlĕ je lehtî thĭ nu, tè b́è jò lòmò za kî jè dègomojò̄ ńò, ḿî akò d́ò̆sa thĭ htè Kib́ĭcè Aḿăkhai nu lò.

² B́ĕ jò òkôwe thĭ kă asŏakhè̆ nu, jò d́ò̆sa za thĭ jè dèthîhè̆ ḿî ab́èkja Jezŭ Krĭstu kî zî ḿî ab́èhtalaglo Krusu alò nu.

³ Je legè thĭ klè̆ d́ŏ dèscisă kî dèthaganā abu,

⁴ kîd́ò̆ d́ŏ jè dèjî̄b́èdòdò kî jè dèd́ò̆htôd́ò̆dèlè abu, jè dè mèigè dèjî̄b́è adoajò̄ dimĭ ńò, ḿî dèd́è̆lî̄hta Spirito Tcahtĭ adècô̆thèlè̆ abu lò.

⁵ Jè mè gōjo ḿî cab́ô̆htè thĭ dèb́u gî̄ dî ḿîbò̄ bija adèzadèbla ńò, ḿî agî̄ ḿîbò̄ Kib́ĭcè acô̆athèlè̆ dòkhò̆ nu.

Kib́ĭcè Adèzadèbla

⁶ Barasă bija adob́ahtŏ tòcò anikhĭ jò d́ò̆htôlani tèpwè dèzadèbla. Ḿî atè b́è dèzadèbla ab́èkja Lākho jo aè̆ ḿî̆dîḿî ńò dècô̆thèlè̆ aŭi Lākho ńò, tè b́è dèzadèbla htè akŭdu za tòcò nu ńò ńò.

⁷ Kib́ĭcè adèzadèbla aòhu htè wô thôithò̆i d́ŏ wè dèòhu bu tòcò ḿî Kib́ĭcè Ja lagè wè dèdòdèthe nikhĭ hlĕ Lākho tò òhta hnî̆ńò nu.

⁸ Cî ḿî dèzadèbla htè ajo dôzô sarado tòcò dî thîhè̆gè dèbwè̆ ńò domo nu. Gī dî ḿî ma do ńò d́ō, tè b́è za gā htalaglo Dèdòdèthe Ab́icè ńò.

⁹ Wô thôithò̆idè htè Cè Tcahtĭ d́ò; “Dè htè gādŭ da tcahtî kî nigu dî thîhè̆b́è hnî̆ńò, dè htè aò d́ŏ bija adèthîhè̆ akhlŏ, dè htè Kib́ĭcè pradòlògè ab́èlò̄ Cè tòcò anikhĭ dèdè̆ nu.”

¹⁰ Dè ajo tòcò ḿî Kib́ĭcè d́è̆lî̄ wa d́ŏ Spirito Tcahtĭ abu nu, manè̄ Spirito Tcahtĭ wāhlè kèhtînī za d́ŏ dè gŏmi athathĭbu nu, htô̆do d́ŏ Kib́ĭcè abu nu.

¹¹ Athîhè̆ dè ajò̄gudu ab́èkja bija dèbwè nu, ḿî pwe zî thîhè̆ ca tha lò, tè b́è bija alewe aè̆ ńò. Cab́ô̆ gōnu akhò̆, athîhè̆ dèlŏcăcè ab́èkja Kib́ĭcè nu ḿî Kib́ĭcè Atha lò.

¹² Khŏnujo Lākho atha akhlŏ wi nib́è Spirito Tcahtĭ d́ŏ Kib́ĭcè ò, agī thîhè̆ zè dèilani wa tòcò nu.

¹³ Mègōnu d́ō wô thôithò̆i, dî ḿî acab́ô̆ philò̆sophia thèihŭ wa nu ńò, ḿî acab́ô̆ Spirito Tcahtĭ thôithò̆i wa nu.

¹⁴ Bija atò òi ab́èkja thotha ńò dèbwè nu, dî phîni tèpwè dè ab́èkja Kib́ĭcè aSpirito Tcahtĭ ńò; za tcahtî tèpwè lōwa acab́ô̆ dè ahnahnă lò, zi di thîhè̆ za ńò, gî thîhè̆ za cè d́ŏ Spirito Tcahtĭ abu lò acè̆ nu.

¹⁵ Agî̄ ḿî thotha abija dèbwè d́ō, ze bēpha za tèpwè dèlŏcăcè alīabwî, ḿî bija dèbwè̆ de bēpha za zè dèlīdobwîthè̆ ńò.

¹⁶ Acab́ô̆ Cè Tcahtĭ d́ò; “Bò̄bwè thîhè̆ za Kib́ĭcè atha bwè? Mègōnu d́ō, bò̄bwè gè̄ thè za Cè bwè?” nu. Barasă wî ḿî aphîni Krĭstu atha tòcò nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ