အွန်လိုင်း သမ္မာကျမ်းစာ

1 Kòrĭn 10 - Geba Roman New Testament

Israè̆lpho Ahtŭazo Adèd́òthîhè̆

¹ Ja thaè d́òthîhè̆ thĭ thè̆buwe tòcò, htè wi phĭ wu phŭ tòcò b́è thè̆leigè dè̄tob́o d́ŏ co kokho kî za hwădūgè pèllè cadè̄ nu.

² Cè tòcò phî̆htagè Mŏzè aphoali d́ŏ dè̄tob́o kî pèllè abu nu,

³ lŏcăcè agè thotha adèa dèdè̆ lò

⁴ kî ò̆gè thotha adèò̆ dèdè̆ lò. Manè̄ lŏcăcè ò̆gè htĭ adola d́ŏ sò alò htè ahèkôgè cè tòcò akă dagwālè̄ dèmè̆ alò nu, mèhwă sò anu dèmè̆ ḿîgè Krĭstu nu.

⁵ Amè nòthò̆ gōnu hnò̆nu, cè tòcò òè̆bwè dè mè b́èthagè Kib́ĭcè ńò, kî cè tòcò akhwiakhwa phrulaphrî̆htagè d́ŏ lothĭḿizekho nu.

⁶ Khŏnujo, dè ajo tòcò phî̆htagè cab́ô̆htè agî̄ ḿîbò̄ wi nikhĭ dèwoi nu, cab́ô̆htè wô dô lôkôbò̄ wè dèthaèni agarā tòcò ńò nu.

⁷ Mèbò̄ ḿè bwè athèb́è̆ bwèjò acab́ô̆ cè tòcò cò mègè nu ḿè. Manè̄ d́o, Cè Tcahtĭ d́ò, “Cè tòcò sańă, a ò̆ hwă wè̄hto mèmòmèmagè ane nu.”

⁸ Wa da ladēnī b́è phehî adèkî̆kkèmèhlò̆ abu ńò; cè tòcò aklè̆ tòcò cò mègè gōnu d́ō, dini lò bija thĭgè abwè gīthò̆ kî thŏhtò.

⁹ Wa da hnakăb́è B́ĭcè ńò. Cè tòcò aklè̆ mègè gōnu kî wu tòcò còthĭ lō tèpwè cè.

¹⁰ Thĭ dô mô̄mô̄îî b́è ńò, cè tòcò cò aklè̆ ḿî ḿî mègè gōnu kî bwèzo amèkè̆ dè dèbwè mèthĭgè cè tòcò.

¹¹ Dè ajo tòcò phî̆htani cè tòcò cab́ô̆htè cò kò woibò̄ ze ne nu, kî aò hwelagè wa tòcò cò anikhĭ htè aògè d́ŏ munilēdū abu tòcò nu.

¹² Bija htè agomo aòhlô̆òlakî dèb́èhjŏ dèbwè nu, gō woi d́ò̆è ane cab́ô̆htè za da lakhubò̄ ńò nu.

¹³ Dèbadèsè̆ thĭ khab́è htŏ hlĕ akăhtî htô̆ khŏnujo tòcò tò ò be tèpwè ńò. Thĭ sascĭi za tèpwè Kib́ĭcè cab́ô̆htè thĭ da khab́èbò̄ pwĕ thĭ da khakèhta be ńò nu, kîd́ò̆ dèhtodèba thĭ khab́è tòcò ka b́aphlò̆nikò̆ thĭ klè kî aki ikò̆ thĭ dèkhodèă agò̄ khòthad́ò̆wīthazoi kèhtabò̄ nu.

¹⁴ Dè ajo awîakè̆ ḿî, jè b́èlò̄ thĕbwe tòcò, htè thĭ kò ò dòbòbò̄ dèthèb́è̆ dèjòdèja acè̆ nu.

¹⁵ Jò d́ò̆sa thĭ bija adègomo ò tòcò; jò d́ò danè̄ nu bēpha dò̆ thĭ è̆.

¹⁶ Dèhôwî phală htè wô hôwî nu ḿî dèb́è̆plo Krĭstu athwi kî toko htè wî b́îpha ḿî dèb́è̆plo Krĭstu anebî̆cè.

¹⁷ Toko dèhmèla ahtabohtab́ă ḿî, wò òèòò nòthò̆ wî ḿî dèneb́î̆cè dèdè̆ lò akhoacè̆ nu.

¹⁸ Tca mò̄kô Israè̆l akhwĭ, bija htè a a plo lōwa dèmèd́u adèa nu Zî ḿî bija htè ahluhtadè d́ŏ Kib́ĭcè adèthèb́è̆kho nu.

¹⁹ Anu ḿî ad́è̆lî̄ bwèjò, ḿî̆dîḿî ńò, dèmèd́u bija b́è̆lă ni bwèjò tòcò ḿî dè ahnèhnè nu ā?

²⁰ Tèb́è ńò! Ja thaè d́ò ḿî d́ŏ dèhlu bwèthŭkupho b́è̆lăni scihnè, adî ḿî dèhlu Kib́ĭcè ńò akhoacè̆ nu. Ja da thaèni thĭ òplosò̆jī dèscidèhnè ńò.

²¹ Thĭ ò̆ hwă B́ĭcè acòlò d́ō, thĭ tò ò̆b́è scihnè acòlò ńò. Thĭ a hwă B́ĭcè adèa d́ō, thĭ ta ab́è scihnè adèa ńò.

²² Wa thaè mèthèhtè Kib́ĭcè ā? Wo kho wa ă do d́olĭ Cè ā?

²³ Wi nikhĭ nu dèhmèlad́îd́ă tò ò ńò. Ab́èhŏ! Barasă tè b́è aè gŏmimi lò ńò. “Wi ni khĭ akhwè ò d́ŏ wè gè̄ mè dè gŏmimi lò.” Barasă gŏmimi dè mèdohta za dè ńò.

²⁴ Bija ta tcab́è htĕ anikhĭ lò ńò, ḿî bija alewe tòcò anikhĭ dè aè dòkhò̆.

²⁵ A d́ò̆è dèhîdèb́a bija sè̆a d́ŏ dèbwîdèsè̆ ale tòcò nu. Adò mò gomo cirra tèpwè ńò.

²⁶ “Manè̄ d́o, Lākho kî dèlŏcăcè ḿî Kib́ĭcè è̆,” ad́ò do.

²⁷ Bwèthŭkupho dèbwè gō jo hi jo phă jo ajo ò̆ nè d́ō, na thaè le lè̆ le d́ò̆è, kî abò̄ bija b́è̆lăni nè dèa tòcò nu kî htôtcadè̆cabò̄ ḿè.

²⁸ Ḿî bija dèbwèbwè kò d́ò nè, “Dèa ajo ḿî dè tèhta i hnè asè,” d́ō, d́ŏ dègomo ad́ò̆sa nè dèbwè anikhĭ nu cab́ô̆htè zè dè htèniwĭniwabò̄ ńò nu, ńò dò mò a ńò—

²⁹ adî ḿî nè dègomo ńò, ḿî bija alewe adègomo lò. Bija dèbwè kò d́è̆ za tèpwè, “Jo lo ja la nu akò ò ma d́ŏ bija lewe adègomo aklè̆ nè?

³⁰ Ja ka a kò ò̆ ma d́ŏ dèthîhè̆htage Kib́ĭcè nu d́ō, jè kè̄ b́è ma dèhub́è nè?”

³¹ Thĭ kā a dè arră, thĭ kò̄ ò̆ dè arră, thĭ gè̄ mè danè̄ hwahwă, mèbò̄ Kib́ĭcè adòathe anikhĭ.

³² Ò thôḿô̆bò̄ cab́ô̆ thĭ gè̄ dè mè b́èhtîb́èd́ô̆bò̄ Jŭdapho ḿîwî, bwèthŭkupho ḿîwî kîd́ò̆ Kib́ĭcè adèòplo ḿîwî dimĭ dimi ḿè.

³³ Acab́ô̆ ju htukhohtuă mè thèjô̆ bija anikhĭ dè è dè ò̆ nu, tèb́è ji nikhĭ dè è dè ò̆ ńò, ḿî bija alewe tòcò anikhĭ nu akhò̆pha, cab́ô̆htè bija tòcò gô̄ hlô̆hta anikhĭ nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ