ဤစာအုပ်သည် ဘုရားသခင်မှ အားသွင်းပေးထားသော စာအုပ်မဟုတ်ပါ။ ၎င်းသည် ခရစ်ယာန်၏ ကာနွန် သို့မဟုတ် ယုဒလူမျိုး၏ တာနာ့ခ်၏ အစိတ်အပိုင်းမဟုတ်ပါ။ သမိုင်းနှင့် သုတေသန ရည်ရွယ်ချက်များအတွက်သာ ပြသထားပါသည်။ အပြည့်စုံသော ရှင်းလင်းချက်ကို ကြည့်ရန် ԵՍԹԵՐ 16 - Գրաբար Աստվածաշունչ (1895)1 Եւ պատճէն հրովարտակացն ցուցեալ կարդացեալ լիցի առաջի ամենայն աչաց՝ յիմում թագաւորութեանս. եւ որ պատրաստեալ հանդերձեալ էին կորուսանել զՀրեայսդ՝ յաւուր յայսմիկ կորուսանել զթշնամիս դոցա։ Ողջ լերուք։ 2 Եւ հրեշտակքն ելին փութով կատարել որ ի թագաւորէն կարգեալ էր. եւ գրեցաւ հրամանն եւ եդաւ ի Սիսիս քաղաքի. եւ յաւուրսն յայնոսիկ յորժամ եղեւ այս, 3 եւ Մուրթքէ ել, եւ զգեցեալ էր զպատմուճանն զարքունի, եւ պսակ ունէր ոսկի եւ թագ ի բեհեզոյ եւ ի ծիրանւոյ. եւ տեսին որ ի Սիսիս քաղաքին էին, եւ ուրախ եղեն յոյժ՝՝։ 4 Եւ Հրէիցն լոյս մեծ ծագեաց եւ ուրախութիւն յոյժ։ 5 Յամենայն քաղաքի եւ ի գաւառս՝ ուր եւ ընթեռնուին զհրամանս արքունի՝ խնդութիւն եւ ուրախութիւն լինէր նոցա. եւ բազումք ի հեթանոսաց դառնային ի Հրէութիւն անդր, եւ թլփատէին վասն ահին Հրէից՝՝։ |