Zakari 7 - Kazambale lé Sebe Sauunu 1979

Lɔrɔsɔnle lé é ’ka tegele lo

¹ Minwiinzan blɛn Darius plale mi nwiin lɛɛ ziɛnzan nya, moné sɔraziɛnzan lé wa laama Kisléu, alé yi vu ta ziɛnzan nya, Gakelebale we fe Zakari lɛ.

² Sarɛsaa koo, Régɛm‐Mélɛk koo, alé munu koo, Bétɛl munu wo pa zia léé, ’wo go zanté vɔ Gakelebale ma,

³ yé wa laa lai sunyanu lé Gakelebale lé kɔn gi Balebanmunu valé balelayemunu lee léé: É a lé ko wuvɔ moné soruzan nya yé ko lɔrɔ sɔn fɛan zo lé ko kɛlɛ lɛɛ kiɛre nya, a zoo?

⁴ Yé lai sunyanu lé Gakelebale lé an lɛ léma:

⁵ Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

⁶ Dé ka fɛ ble ’té ka fɛ minian, ’té ka‐an ka fɛ blé yé ka fɛ minian loo?

⁷ Bléyian va lé munu a é nyanale Jérusalɛm woboma duaa, é valé é zi flanu nya, ’té munu a é nyanale yirinwana bɛyilazia fɛna pɛblɛɛna, we lé Gakelebale a fe balelayemunu vininnu lɔlu nya ’bɛ bléyi va, ka ’ka a gi dɔɔa loo?

Bale lɛgamale ɛ mi bin‐é fla

⁸ Gakelebale we fe Zakari lɛ yé é léma:

⁹ Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

¹⁰ Té ka yaa gyɛzarale valé ti valé bugalazan koo, bɛn valé nyanégyɛzan koo, wo ta lo. Té ka bɔn‐in bɔrɔ wenaané nya ka ke ma lo.

¹¹ Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

¹² Wo ’wo bli la dɔ plɛplɛ bélé gɔlɛ zo, léé, bélidɔwe koo, dére lé lai sunyanu lé Gakelebale a fe é Léli nya balelayemunu vininnu lɔlu nya, ’bɛ koo, té wa ’ma lo. Ana lé lai sunyanu lé Gakelebale bi wo ma bliflile blɛn nya.

¹³ Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

¹⁴ Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.