Zakari 5 - Kazambale lé Sebe Sauunu 1979

É sɛbɛ plinle ye yuɛzi gi — é lezan ye kyɛɛ gi yuɛzi gi

¹ An yuɛ vɔ loru é ziin yé maa nagini, yé maa sɛbɛ plinle do ye, ’té éé sié.

² Lanje lé an lɛ léé: I mɛ fɛ yéé? Maa a zi pa a lɛ léé: An sɛbɛ plinle do yé, ’té éé sié; a sangi a mɛtrɛ vu yé a ’wuola a mɛtrɛ soru.

³ Yé é lé an lɛ léma: Bale pale ɛ sɔɔlaan tɛrɛ faa la bɛ; sɛbɛ ’ko nya lé wo dan kyeen?-?womunu faa bin lɛ fɛkona, yé munu lé woo bale ’nyɔɔn‐an vié nya, a nya lé wo dan wo faa bin lɛ fɛkona.

⁴ Lai sunyanu lé Gakelebale léma: Maa a sɔɔlaan léé, ’é wɔra kyeenwozannu koo, wo lé woo an tɔ ’nyɔɔn‐an vié nya koo, wolé kɔn gi, yé é nyana ana, yé é kɔn ’ko ble é yili valé é gɔlɛnu nya.

⁵ Lanje lé ko ke wefena a nya, é bié yé é lé an lɛ léma: ’I yara nwa, yé fɛ lé ke bɔrana bɛ, bé nagini do.

⁶ Yé maa léé: Mɛ fɛ léé? Yé é léé: Kyɛɛ lé. Yé é lé é ziin léé: Weple lé wa kɛlɛna tɛrɛ ’ko faa la, yee lé.

⁷ Yé bé ye, lɛe po do nwa a ta, ’té lezan do a é nyanale kyɛɛ ’ko gi.

⁸ Lanje léé: Weple lé. Yé é lezan nyunu é pa gi kyɛɛ gi, yé é yee lɛe vɔ a lɛ la.

⁹ An yuɛ vɔ loru yé maa nagini, ’té lomu fié bɔra. Fu a giéna wo bɛanu gi; wo bɛa a bélé bwibalo zé zo. Yé wo kyɛɛ si tɛrɛ valé la méléna.

¹⁰ Yé maa lé lanje lé ko ke wefena a nya, a lɛ léé: Wo go kyɛɛ ’ko nya kyɛɛn?

¹¹ É a zi pa an lɛ léé: Wo go alé kɔn dɔ lɛ Sinéaa tɛrɛ la; yé dé wo nyaa a dɔle nya, wo dan yee kyɛɛ dɔra lɛ a gi.