Zakari 2 - Kazambale lé Sebe Sauunu 1979

É fɛdanbale ye yuɛzi gi

¹ An yuɛ vɔ loru yé maa nagini, yé an mi do ye, ’té fɛdanbale a a lee.

² Yé maa léé: I go kyɛɛn? Yé é lé an lɛ léé: An dan Jérusalɛm dan lɛ, a laala valé a grɔgrɔ a fɛan zo, a yele we ma.

³ Yé lanje lé ko we fé a nya, é bié ’é ’lɛ, yé lanje bɛ da yé wo kee ’bɛ nya.

⁴ É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

⁵ yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Bale Izraɛlnu laa léé, ’wo da ’wolé tɛrɛ la é ziin

⁶ Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

⁷ Siɔn munu, ’kaa lé ka nyanaan Babilɔn munu va, ’ka vɔ flii.

⁸ Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

⁹ Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

¹⁰ Siɔn munu, ka gi ’é nana, yé ’ka siaa ginanale nya. Naa, ka ye, maa da yé maa dan nyana lɛ ka méléna. A zo lé Gakelebale a fe.

¹¹ Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

¹² Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

¹³ Munu faa ’é tadɔ Gakelebale ’lɛ ma. Naa, é nwa ’é nyanana sauun na, azama.