Zakari 11 - Kazambale lé Sebe Sauunu 1979

Yaamitazannu zé nyaana

¹ Liban‐oo, ’i zi nɔ munu lɛ Yé kyɛ ’é ilé sɛdrɛyilinu ble ma.

² Siprɛyili, ’i dunnu, naa, sɛdrɛyili zana, azama; Wo lé wo ’wobo nwa, wo sɛrɛ, Bazan sɛnéyilinu, ’ka dunnu ma, Naa wo pɔrɔ ti zana, azama.

³ ’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

’Blatabinzan fiénu lé we

⁴ Gakelebale, anlé Bale léma: ’Blanu lé wo dan wo gyɛ lɛ, ’ka fɛ nɔ wo lɛ.

⁵ Munu lé wo wo lɔ bɛ, wo ’ka wo vo lo, woo wo bɔrɔ boo. Wo dan?-?munu léma: Ko a fua blena, amalé ’wo Gakelebale drɔɔ vo ma. Yé wo pazannu ’ka wo soo we lee lo.

⁶ Gakelebale léma: An nyanai ’ka zén‐é é dɛrɛ tɛrɛ ’ko la munu ta lo. Ka ye, maa ɛ munu vɔa ékema, yé maa ɛ wo paan wo nwiinzan blɛn lee; wo dan ’wii lɛ tɛrɛ ’ko ta, yé maa ’ka dan a si lɛ wo lee lo.

⁷ ’Blanu lé wo dan wo gyɛ lɛ bɛ, an kun fɛ nɔle ma wo lɛ; weboen lé, wa nyanaizénla ’blanu nya ’blanu va. Maa ’blatabinyili fié si, yé maa a do tɔ pa, zin, yé maa a do tɔ pa, nanale. Yé maa vo ’blanu pana.

⁸ Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

⁹ Yé maa léé: Maa ’ka ka pana é dɛrɛ lo. Dé yee lé éé gaan, ’bɛ ’é ga ma; dé yee lé éé zamaga woo, ’bɛ a wo ma, yé wo lé wo vo, ’wo wo ke wi ble ma.

¹⁰ Anlé ’blatabinyili lé maa a tɔ pa zin bɛ, maa ’bɛ si yé maa ’bɛ yéli; ’bɛ gi léé, an gi lé maa pa munu faa va bɛ, maa ’bɛ sɛrɛ.

¹¹ Maa ’bɛ sɛrɛ ’bɛ yi la, yé nyanaizénla ’blanu lé wo yuɛ vo an va bɛ, wa gi dɔɔ ’bɛ zo léé, Gakelebale dére lé.

¹² Yé maa lé wo lɛ léé: Dé é sɔ ka lɛ, ’ka anlé nyanama ma ban nɔ. Dé ’bɛ kaan lo, té ka a nɔ lo. Yé wo gɔɔlifu sikla yɔ do wɔlɛ vu si, yé wa nɔ anlé nyanama ma ban nya.

¹³ Gakelebale lé an lɛ léma: An mafɛ zima zima lé wa nɔ bɛ, ’bé si, ’bé wɔra bɔdɔzan lee ma. Yé maa gɔɔlifu sikla yɔ do wɔlɛ vu ’ko si, yé maa nwɛɛn Gakelebale lé kɔn gi bɔdɔzan ’lɛ.

¹⁴ ’Bɛ zuo anlé ’blatabinyili fiézan lé maa a tɔ pa nanale bɛ, maa a yéli; ’bɛ gi léé, Juda valé Izraɛl sɛrɛ wo ke gi.

¹⁵ Gakelebale lé an lɛ léma: Mipazan lé é ke ’tugyɛzan nya, ’i alé nyanamapafɛnu si é ziin.

¹⁶ Naa, maa dan mipazan dɔ bɔra lɛ é ziin tɛrɛ ’ko la, yé ’blanu lé wo ke zamaga wona, é ’ka dan wo gi bɔrɔ pa lɛ lo; é ’ka dan go lɛ ’bla boronénu nagini lɛ lo, yé é ’ka dan a tuozannu tuona paa lɛ lo, yé é ’ka dan a plɛplɛnu mawe kɛlɛ lɛ lo; naa, é dan a nyɔnɔzannu wi ble lɛ, yé é dan wo wi kini lɛ ékema fɔɔ yé é bɔ wo sɔnéwɔlɛ ma.

¹⁷ Mipazan boazan lé é élé ’blanu vo mi, we tɔntɔn ’é bɔ ’bɛzan ma ma. Gwɔun ’é vɔ a bɛ ma yé gwɔun a bɛyila yuɛ fɔn ma. A bɛ ’é ga a ma ma, yé a bɛyila yuɛ ’é diri ma.