Wepélisiananu 5 - Kazambale lé Sebe Sauunu 1979

Adam kulunu

¹ Adam kulunu lé sɛbɛ lé ke ’ko. Bale mi kɛlɛ aan wo, é a kɛlɛ é bɔmazan nya.

² É gɔné kɛlɛ yé é le kɛlɛ, yé é wo drɔɔ vo. É wo kɛlɛ aan wo, é wo laa, mi.

³ Adam lɛɛ yɔ suiɛdo wɔlɛ vuzan nya, é né yaa é bɔmazan nya, é dɔbɛ gi, yé é a tɔ pa Sɛt.

⁴ Sɛt yaale zuo, Adam vo é yuɛma lɛɛ wuru ziɛn, yé é négɔné valé nélomu yaa.

⁵ Adam lɛɛ faa kɛlɛ wuru ziɛn yɔ suiɛdo wɔlɛ vu, yé é ga.

⁶ Sɛt lɛɛ yɔ soru wɔlɛ soruzan nya, é Énɔs yaa.

⁷ Énɔs yaale zuo, Sɛt vo é yuɛma lɛɛ wuru ziɛn wɔlɛ sɔrafié, yé é négɔné valé nélomu yaa.

⁸ Sɛt lɛɛ faa a wuru ziɛn yɔ soru wɔlɛ vu ta fié, yé é ga.

⁹ Énɔs lɛɛ yɔ ziɛn wɔlɛ vuzan nya é Kénan yaa.

¹⁰ Kénan yaale zuo, Énɔs vo é yuɛma lɛɛ wuru ziɛn wɔlɛ vu ta soru, yé é négɔné valé nélomu yaa.

¹¹ Énɔs lɛɛ faa a wuru ziɛn yɔ soru wɔlɛ soru, yé é ga.

¹² Kénan lɛɛ yɔ yaa wɔlɛ vuzan nya é Maaléléɛl yaa.

¹³ Maaléléɛl yaale zuo Kénan vo é yuɛma lɛɛ wuru ziɛn yɔ fié, yé é négɔné valé nélomu yaa.

¹⁴ Kénan lɛɛ faa a wuru ziɛn yɔ soru wɔlɛ vu, yé é ga.

¹⁵ Maaléléɛl lɛɛ yɔ yaa wɔlɛ soruzan nya é Jérɛd yaa.

¹⁶ Jérɛd yaale zuo Maaléléɛl vo é yuɛma lɛɛ wuru ziɛn yɔ do wɔlɛ vu, yé é négɔné valé nélomu yaa.

¹⁷ Maaléléɛl lɛɛ faa a wuru ziɛn yɔ ziɛn wɔlɛ soru, yé é ga.

¹⁸ Jérɛd lɛɛ yɔ sɔraa wɔlɛ fiézan nya é Énɔk yaa.

¹⁹ Énɔk yaale zuo Jérɛd vo é yuɛma lɛɛ wuru ziɛn, yé é négɔné valé nélomu yaa.

²⁰ Jérɛd lɛɛ faa a wuru ziɛn yɔ sɔraa wɔlɛ fié, yé é ga.

²¹ Énɔk lɛɛ yɔ yaa wɔlɛ soruzan nya é Métuséla yaa.

²² Métuséla yaale zuo Énɔk tawo Bale va lɛɛ wuru do yɔ soru, yé é négɔné valé nélomu yaa.

²³ Énɔk lɛɛ faa a wuru do yɔ sɔraa wɔlɛ soru.

²⁴ Énɔk tawo Bale va, yé Bale a si, bɛwemalé wo ’ka a ye lɛ lo.

²⁵ Métuséla lɛɛ yɔ sɔraziɛn wɔlɛ sɔrafiézan nya é Lémɛk yaa.

²⁶ Lémɛk yaale zuo Métuséla vo é yuɛma lɛɛ wuru yaa yɔ sɔraziɛn wɔlɛ fié yé é négɔné valé nélomu yaa.

²⁷ Métuséla lɛɛ faa a wuru ziɛn yɔ sɔraa wɔlɛ sɔraziɛn yé é ga.

²⁸ Lémɛk lɛɛ yɔ sɔraziɛn wɔlɛ fiézan nya é négɔné do yaa.

²⁹ É a tɔ pa Noé, yé é léma: Kolé wɔlɛi nyaale valé nyanama tɔntɔn lé ko paan tɛrɛ ’ko lé, Gakelebale bale pa a ma bɛ, a ta, né ’ko é dan ko tɔrɔ paa lɛ a ma.

³⁰ Noé yaale zuo, Lémɛk vo é yuɛma lɛɛ wuru fié yɔ sɔraziɛn wɔlɛ vu ta soru yé é négɔné valé nélomu yaa.

³¹ Lémɛk lɛɛ faa a wuru yaa yɔ sɔraa wɔlɛ vu ta sɔrafié, yé é ga.

³² Noé lɛɛ a wuru fié yɔ soru, yé é né yaa, Sɛm koo, Sam koo, Jafɛt koo, wo nya.