Wepélisiananu 46 - Kazambale lé Sebe Sauunu 1979

Jakɔb valé élé munu go Éjipiti tɛrɛ la

¹ Izraɛl go é leefɛnu faa nya é lee. É bɔ Bɛɛ‐Sééba yé é ’é ti Izak lé Bale ban ’bɛna.

² Kazambale we fe Izraɛl lɛ nyɛ fla é béli yé é léé: Jakɔb! Jakɔb! Izraɛl lé a lɛ léé: Maa lo.

³ Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya.

⁴ Maabozen ’é dan go lɛ i va Éjipiti tɛrɛ la. Maabozen é dan i si lɛ ana é ziin, yé Jozɛfu é dan kɛlɛ lɛ ana i gabléyi va.

⁵ Jakɔb si Bɛɛ‐Sééba. Wo ti Jakɔb koo, wolé nénu valé wo nanu koo, Izraɛl benu wo vɔ goronu lé Faraɔn a nɔ wo lɛ wo kɔné sifɛnu nya, wo gi.

⁶ Wo ’wolé trubɛnu si é ziin, ’bɛ valé fuafɛnu lé wa ye Kanaan tɛrɛ la, wo nya. Yé Jakɔb valé élé munu faa go Éjipiti tɛrɛ la.

⁷ É go élé munu faa nya Éjipiti tɛrɛ la; a benu koo, a benu é benu koo, a lunu koo, a benu é lunu koo, wo nya.

⁸ Izraɛl benu lé wo go Éjipiti tɛrɛ la, wo tɔ lé ke ’ko: Jakɔb valé é benu lé. Jakɔb lé né vininzan lé ke Rubɛn nya.

⁹ Rubɛn benu lé ke Énɔk koo, Palu koo, Esrɔn koo, Kaami koo, wo nya;

¹⁰ Siméɔn benu lé ke Jémuɛl koo, Jamɛn koo, Oad koo, Jakɛn koo, Sosaa koo, ’wo valé Kanaan le be Saul koo, wo nya.

¹¹ Lévi benu lé ke Gɛɛsɔn koo, Kéat koo, Mérari koo, wo nya.

¹² Juda benu lé ke Eɛ koo, Onan koo, Sééla koo, Pérɛs koo, Zérak koo, wo nya; Eɛ valé Onan ga Kanaan tɛrɛ la. Pérɛs benu lé ke Esrɔn valé Amul nya.

¹³ Isakaa benu lé ke Tola koo, Puva koo, Job koo, Simrɔn koo, wo nya.

¹⁴ Zabulɔn benu lé ke Sérɛd koo, Élɔn koo, Jaléɛl koo, wo nya.

¹⁵ Léa benu lé é wo yaa Jakɔb lɛ Padan‐Aram, wo valé a lu Dina, wo lé ke bɛ. A benu valé a lunu faa a mi yɔ do wɔlɛ vu ta yaa.

¹⁶ Gad benu lé ke Sifijɔn koo, Agi koo, Suni koo, Esibɔn koo, Éri koo, Arɔdi koo, Arééli koo, wo nya.

¹⁷ Azɛɛ benu lé ke Jimina koo, Jisiva koo, Jisivi koo, Béria koo, ’wo valé a lu Séra koo, wo nya. Béria benu lé ke Éébɛɛ valé Malkiɛl nya.

¹⁸ Zilpa lé Laban a nɔ é lu Léa lɛ, a benu lé é wo yaa Jakɔb lɛ, wo faa lé ke bɛ. Wo faa a mi vu ta suiɛdo.

¹⁹ Jakɔb na Rasɛl benu lé ke Jozɛfu valé Bɛnjamɛn nya.

²⁰ Jozɛfu benu lé é wo yaa Éjipiti tɛrɛ la, wo lé ke Manasé valé Éfraim nya. Onfla balebanzan Poti‐Féra lu Asinat wo yaa Jozɛfu lɛ.

²¹ Bɛnjamɛn benu lé ke Béla koo, Békɛɛ koo, Asibɛl koo, Géra koo, Naaman koo, Éi koo, Rɔs koo, Mupim koo, Upim koo, Aad koo, wo nya.

²² Rasɛl benu lé é wo yaa Jakɔb lɛ, wonu lé ke bɛ. Wo faa a mi vu ta ziɛn.

²³ Dan be lé ke Usim nya.

²⁴ Néfitali benu lé ke Jatiséɛl koo, Guni koo, Jésɛɛ koo, Silɛm koo, wo nya.

²⁵ Bila lé Laban a nɔ é lu Rasɛl lɛ, a benu lé é wo yaa Jakɔb lɛ, wo faa lé ke bɛ. Wo faa a mi sɔrafié.

²⁶ Munu lé, ’wo valé Jakɔb go Éjipiti tɛrɛ la, ’té wo ke alé nénu nya, wo faa a mi yɔ yaa wɔlɛ suiɛdo. Wo ’ka Jakɔb be nanu nɔnɔ lɛ wo va lo.

²⁷ Yé Jozɛfu benu a fié, ’té wo ’bɛnu yaa Éjipiti tɛrɛ la. Jakɔb gɔnɔlamunu lé, wo go Éjipiti tɛrɛ la, wo faa a mi yɔ yaa wɔlɛ vu.

²⁸ Jakɔb Juda nwunvɔ Jozɛfu va a fele a lɛ we gi léé, ’é a dana Gozɛn.

²⁹ Jozɛfu élé goro ganafɛ vɔ goro ma, yé é vɔ a gi yé é go Gozɛn, é ti Izraɛl si lɛ zia. É a ye tɔɔn, é a tuu gyɛ, yé é vɔ a bɔrɔ ma yé é mɔn wuvɔna kaii.

³⁰ Izraɛl lé Jozɛfu lɛ léé: Sin, ’an ga ma. Maa i yara ye; i a tan é yuɛma. É nyaa.

³¹ Jozɛfu lé é bwenu valé é ti lé munu lɛ léé: ’Maa go ka dale we zuo fe lɛ Faraɔn lɛ. Maa dan a fe lɛ a lɛ léé, an bwenu valé an ti lé munu si Kanaan tɛrɛ la, yé wo da an va.

³² Munu ’ko a trubɛ tabinmunu nya. Wolé nyanama lé ke trubɛ tabinle nya. ’Blanu koo, dirinu koo, fɛ faa lé é ke wo lee koo, wo da a nya.

³³ Dé Faraɔn ka laa bléyian va, dé é a laa ka lee léé,

³⁴ ka panyanama a kaa? ka a fe léma: É sia ko kiéné la bléyi va fɔɔ bléyi ’ko va, ko valé ko tinu, ko a trubɛ tabinmunu nya. Dé ka fe ’bɛ zo, ka dan nyana lɛ Gozɛn tɛrɛ la, naa, trubɛ tabinmunu faa a mi lɛrɛlɛrɛ nya Éjipiti munu yuɛ gi.