Wepélisiananu 36 - Kazambale lé Sebe Sauunu 1979

Ézau kulunu

¹ Ézau lé ke Édom nya, a kulu lé ke ’ko:

² Ézau le si Kanaan lomu va: Éti mi Élɔn lu Ada koo, Éévi mi Sibéɔn lu Ana, ’bɛ lu Oolibama koo,

³ Ismaɛl lu Bazmat koo, é wo si é nanu nya. Bazmat a Nébajɔt zuané nya.

⁴ Ada né yaa Ézau lɛ, wa laama Élifaz. Bazmat né yaa, wa laama Réuɛl;

⁵ Ézau benu Jéusi koo, Jaélam koo, Koré koo, Oolibama wo yaa Kanaan tɛrɛ la.

⁶ Ézau nanu koo, a benu koo, a lunu koo, alé kɔngimunu koo, alé trubɛnu koo, alé winu koo, fuafɛnu faa lé é a ye Kanaan tɛrɛ la, Ézau wo si yé é si é zuané Jakɔb ma baa yé é go tɛrɛ bɛ la.

⁷ Wo fua kiɛre ble, bɛwemalé wo ’ka bɔa nyanale lɛ ékeva lo. Wolé trubɛnu a di, bɛwemalé tɛrɛ lé wo ke é nyanale a ta, é ’ka wolé trubɛnu lé fɛblele bɔa lo.

⁸ Ézau nyana Séii gɔ nwiin. Ézau ɛ ke Édom nya.

⁹ Édom ti Ézau lé ke Séii gɔ nwiin, a kulu lé ke ’ko:

¹⁰ Ézau benu tɔnu lé ke ’ko: Ézau na Ada be Élifaz koo, Ézau na Bazmat be Réuɛl koo, woo lé.

¹¹ Élifaz benu lé ke Téman koo, Omaa koo, Sɛfo koo, Gaétam koo, Kénaz koo, wo nya.

¹² Timina a Ézau be Élifaz bwɛ nya. É né yaa Élifaz lɛ; a tɔ lé Amalɛk. Ézau na Ada benu lé ke bɛ.

¹³ Réuɛl benu lé ke ’ko: Naati koo, Zérak koo, Saama koo, Miza koo, woo lé. Ézau na Bazmat benu lé ke bɛ.

¹⁴ Ézau na Sibéɔn lu Ana, ’bɛ lu Oolibama benu lé ke ’ko: Jéusi koo, Jaélam koo, Koré koo, é wonu yaa Ézau lɛ.

¹⁵ Ézau benu lé wo kɛlɛ tɛrɛzannu nya, wo lé ke ’ko: alé né vininzan Élifaz benu lé ke ’ko: tɛrɛzan Téman koo, tɛrɛzan Omaa koo, tɛrɛzan Sɛfo koo, tɛrɛzan Kénaz koo,

¹⁶ tɛrɛzan Koré koo, tɛrɛzan Gaétam koo, tɛrɛzan Amalɛk koo, woo lé; tɛrɛzannu lé Élifaz a yaa Édom tɛrɛ la, wo lé ke bɛ. Ada benu lé wo nya.

¹⁷ Ézau be Réuɛl benu lé ke ’ko: tɛrɛzan Naat koo, tɛrɛzan Zérak koo, tɛrɛzan Saama koo, tɛrɛzan Miza koo, woo lé; Réuɛl benu lé é a yaa Édom tɛrɛ la yé wo kɛlɛ tɛrɛzannu nya, wo lé ke bɛ. Ézau na Bazmat benu lé ke bɛ.

¹⁸ Ézau na Oolibama benu lé ke ’ko: tɛrɛzan Jéusi koo, tɛrɛzan Jaélam koo, tɛrɛzan Koré koo, woo lé; tɛrɛzannu lé Ézau na Ana lu Oolibama a yaa, wonu lé ke bɛ.

¹⁹ Ézau benu lé ke bɛ. Wo lé wo kɛlɛ tɛrɛzannu nya, wo lé ke bɛ. Ézau a Édom nya.

²⁰ Ori munu a tɛrɛ ’ko la é kyɛn. Wolé mi do lé wa laama Séii, a benu lé ke ’ko: Lotan koo, Sobal koo, Sibéɔn koo, Ana koo,

²¹ Disɔn koo, Esɛɛ koo, Disan koo, woo lé; Séii benu lé wo kɛlɛ tɛrɛzannu nya Ori munu va Édom tɛrɛ la, wonu lé ke bɛ.

²² Lotan benu lé ke Oori valé Émam nya. Lotan buru lé ke Timina nya.

²³ Sobal benu lé ke ’ko: Alvan koo, Manaati koo, Ébal koo, Séfo koo, Onam koo, woo lé.

²⁴ Sibéɔn benu lé ke Aja valé Ana nya. Ana lé é ’yikyɛbɔna ye nyéné saa lé fɛna, ’té é a é ti Sibéɔn lé sokofalenu tabinna, yee lé.

²⁵ Ana lé nénu lé ke Disɔn valé a lu Oolibama nya.

²⁶ Disɔn benu lé ke ’ko: Emidan koo, Esiban koo, Jitran koo, Karɛn koo, woo lé.

²⁷ Esɛɛ benu lé ke ’ko: Bilan koo, Zaavan koo, Akan koo, woo lé;

²⁸ Disan benu lé ke Usi valé Aran nya.

²⁹ Munu lé wo kɛlɛ tɛrɛzannu nya Ori munu va, wo lé ke ’ko: tɛrɛzan Lotan koo, tɛrɛzan Sobal koo, tɛrɛzan Sibéɔn koo, tɛrɛzan Ana koo,

³⁰ tɛrɛzan Disɔn koo, tɛrɛzan Esɛɛ koo, tɛrɛzan Disan koo, woo lé. Munu lé wo kɛlɛ tɛrɛzannu nya Ori munu va Séii tɛrɛ la, wo lé ke bɛ.

³¹ Munu lé wo kɛlɛ munu nwiinzan blɛnnu nya Édom tɛrɛ la, ’té Izraɛl lé nénu nwiinzan blɛn ’ka tan kɛlɛ lɛ lo, wo lé ke ’ko:

³² Béɔɔ be Béla kɛlɛ Édom mununwiinzan blɛn nya; alé fla tɔ lé Dinaba.

³³ Béla ga; yé Bozrazan Zérak be Jobab pla munu nwiin a pa gi;

³⁴ Jobab ga; yé Téman munu lé tɛrɛlami Usam pla munu nwiin a pa gi.

³⁵ Usam ga, yé Bédad be Adad pla munu nwiin a pa gi. Yee ɛ Madian gyɛ féi Moab tɛrɛ la. Alé fla tɔ lé Avit.

³⁶ Adad ga; yé Masrékazan Samla pla munu nwiin a pa gi.

³⁷ Samla ga; yé Saul pla munu nwiin a pa gi; Réobot lé ke yuu sɔnɔ, ’bɛ tazan lé.

³⁸ Saul ga; yé Akabɔɔ be Baal‐Aanan pla munu nwiin a pa gi.

³⁹ Akabɔɔ be Baal‐Anan ga; yé Adaa pla munu nwiin a pa gi. Alé fla tɔ lé Pau; a na tɔ lé Méétabéɛl. É a Mézaab lu Matrɛd lu nya.

⁴⁰ Ézau kulu lé wo kɛlɛ tɛrɛzannu nya, wo bɛn ma bɛn ma, wolé tɛrɛ ma tɛrɛ ma, wo tɔ ma tɔ ma, wo tɔ lé ke ’ko: tɛrɛzan Timina koo, tɛrɛzan Alva koo, tɛrɛzan Jétɛt koo,

⁴¹ tɛrɛzan Oolibama koo, tɛrɛzan Éla koo, tɛrɛzan Pinɔn koo,

⁴² tɛrɛzan Kénaz koo, tɛrɛzan Téman koo, tɛrɛzan Mibisaa koo,

⁴³ tɛrɛzan Magadiɛl koo, tɛrɛzan Iram koo, woo lé. Édom munu lé wo kɛlɛ tɛrɛzannu nya, wo lé ke bɛ, wolé nyanana ma do do valé wolé tɛrɛ ma do do. Édom munu ti Ézau lé we a yee ɛ zo.