Tite 2 - Kazambale lé Sebe Sauunu 1979

We tegele paale munu gi

¹ Naa, bii, wenu lé é ke wepaale tegele yɛrama, ’i wo ɛ fe ma.

² ’Bé fe mi segelenu lɛ léé, ’wo ’wobo kun, ’wo kɛlɛ tegele, ’wo kɛlɛ wedrɔzannu nya, yé ’wo kɛlɛ é ziin mi tegelenu nya, blipale koo, sɔlɛle koo, bli tiéé koo, wo gi.

³ ’Bé fe le segelenu lɛ léé, é a lé wo kɛlɛwenu a gɔɔn léé, wa le wéiinnu nya, té wo kɛlɛ wenaané fezannu valé nwɛ minizan kaiinu nya lo. É a lé wo wezinnu paa lomu gi.

⁴ É a lé wa paa gɔné na boronénu gi léé, ’bɛnu ’é ’wo zananu valé wolé nénu lɔrɔ pa,

⁵ ’wo kɛlɛ ’wuotazannu nya, ’wo yuɛ pa ’wobo va é zima, ’wo ’wolé kɔn gi nyanama pa, ’wo kɛlɛ le zinnu nya, ’wo pla ’wo zananu wuo. Lomu segelenu a paa wo gi léé, ’wo ’bɛ faa kɛlɛ, té munu é Kazambale dére sɔnɔ lo we gi.

⁶ A zo duo lé, ’i we pla pɛniɛnu lɛ léé, ’wo ’wobo kun we faa gi,

⁷ yé biibozen ’i kɛlɛ wolé wekɛlɛmazan nya wezin kɛlɛle gi. Yé we lé bé paan wo gi, ’é kɛlɛ webozen valé we tegele nya.

⁸ ’I we fe dére zimanu lé munu ’ka bɔa a za vɔle lɛ lo, wo nya, yé mi nyanézan ’ka bɔa wenyané do kpen fele lɛ kaa ma lo, yé yara a gyɛ.

⁹ ’I we pla luunu lɛ léé, ’wo pla ’wozannu wuo we faa gi; ’wo wo sɔlɛwe kɛlɛ; té wo we za vɔ wo lɔ ma lo;

¹⁰ té wo fɛ do kpen kyeenwo lo; naa, ’wo yara pa we la tegele yifaama, yé munu é kaa Siéwegizan Bale lé wepaale ze vɔ.

¹¹ Naa, Kazambale lé zin lé ke munu faa sile we gi punsina nya bɛ, Bale a nagɔɔn munu lɛ.

¹² Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

¹³ ’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

¹⁴ Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

¹⁵ Wenu lé é a lé bé fe munu lɛ, wo lé ke bɛ. ’I we pla munu lɛ, ’i wo saanna gɔɔn wo lɛ. A se a i lɛ. Té mi do kpen i ye boami nya lo.