Tite 1 - Kazambale lé Sebe Sauunu 1979

Weale lé

¹ Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

² We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

³ Yé sin, a bléyi bɔ, vole é yuɛma lé we na a é gɔɔnle munu lɛ kpaklaa, wefele lé é a bɛ pa an lee ko Siéwegizan Bale dére ta bɛ, a nya.

⁴ Bii Tite lé ko fiénu ke i nya Kazambale lé we gi, ’té i ke anbozen lé né nya Kazambale lé we ma bɛ, an we i va. Tibale valé ko Siéwegizan Jézu Krist ’wo zin kɛlɛ i lɛ yé ’wo i vo drɔɔ ma.

We lé é a lé Tite a kɛlɛ Krɛt tɛrɛ la

⁵ Maa i vo Krɛt tɛrɛ la, wenu lé wo vo, ilé wo yuɛ gi bole we ma, yé i munu dɔ léglizinu gi mi segelenu nya fla do do ta, maa a fe i lɛ fɛan zo, a zo;

⁶ dé i mi do ye yé alé tawobɛ a tegele, ’té a na a do kpen, ’té alé nénu bli a é pale yé i ’ka we vɔnle valé tɔnégiplɛplɛwe ’ma lɛ alé nénu ma lo, ’i ’bɛzan dɔ léglizi gi mi segele nya.

⁷ É a lé léglizi tabinzan é kɛlɛ mi wéiin nya; é a Kazambale bɛgizan nya, azama. Té ’é kɛlɛ boblɛnzan koo, blifli?-?zan koo, nwɛminizan koo, ’wiiéwelazan koo, dabli gɔɔli yezan koo, a do kpen nya lo.

⁸ Naa, ’é kɛlɛ bɛn sɔlɛzan koo, wezin sɔlɛzan koo, ’wuoatazan koo, mi tegele koo, bo nɔ Bale lɛzan koo, bokunzan koo, a nya;

⁹ é a lé é dɔ dére bozen lé wa paan munu gi bɛ, a ta; dé é a ’bɛ zo mi nya é bɔalɛ léé, é we pla munu lɛ wepaale tegele yɛrama, yé é zavɔmunu lɔlu ga.

¹⁰ Tɔnégiplɛplɛzannu koo, weboa fezannu valé misaanmunu koo, wo ana kiɛre weboen nya; yé wa ganedɔmunu va di é minini.

¹¹ É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

¹² Mi do lé é ke wolé balelayezan nya, é a fe léé, Krɛt munu a yifaama viéwozannu koo, wi nyanénu koo, kun‐an?-?wo bun‐anzannu koo, wo nya.

¹³ Webozen lé é a fe. Bɛwemalé ’i we vɔ wo lɛ yara plɛplɛ nya, wolé blipale kɛlɛle tegele we ma.

¹⁴ Te ’wo tɔné dɔ Juifinu lé fiinvɔlenu lɛ lo; munu lé wo yara si webozen ta, té ’wo wolé bélidɔwenu nyi si lo.

¹⁵ Munu lé wo ke sauun, we faa a wo yuɛ gi sauun. Naa, munu lé wo tiri ke é dɔle, yé wo bli ’ka é pale lo, we do kpen ’ka ’bɛnu yuɛ gi we sauun nya lo. Wo gi bɔrɔle valé wolé wevasibli a é naané.

¹⁶ Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.