Wegɔné Ma Lɛrɛ 7 - Kazambale lé Sebe Sauunu 1979

¹ Sulami le, ’i daoo, ’i da, ’I da é ziin‐oo, ’i da é ziin, ko i ye. — Mɛmalé é a lé ka Sulami le nagini Bélé nɛnɛbomunu palu fié zoo?

² Minwiinzan lu, i ganenu a é nɔnɔmi ilé sawala gi. I boro a é nɔnɔmi bélé bɔrɔmafɛ lé Blabozan a foli, a zo.

³ I kwané a bélé vɛri lé Nwɛ gin néné ’ka nyaa a gi lo, a zo; I kɔlɛ a bélé ’sanwun zun zo, ’Té bolu lé goo a zi lɛ sɔɔ.

⁴ I nyɔ fiénu a bélé gan boroné fié zo, Bélé gan tina lé é né yaa fiané nya, a zo.

⁵ I bɔrɔ a bélé kɔn torole lé wa dɔ vwii suiɛ nya, a zo; I yuɛnu a bélé Esibɔn ’yidoonu zo, ’Té wo ke Bat‐Rabim gɔrɔ ’léé sɔnɔ, wo zo; I nyéwɔlɛ a bélé Liban lé kɔn torole lé A yara ke Damas vazia, a zo.

⁶ I ’wuo a é nwale loru bélé Kaamɛl gɔ zo, I nwinnu a bélé sɔ ti drɔndrɔn zo; I nwin éé minwiinzan blɛn yerean.

⁷ An sɔlɛzan, i a é nɔnɔmi, I an gi nana, i a anlé ginanale pun nya.

⁸ I torole a bélé yɔwɔlɛ lé gla lé. I nyɔnu a bélé dɔrɔporo pan zo.

⁹ Maa léé: An dan yɔ gié lɛ Yé an kun a bɛnu ma. I nyɔnu ’é kɛlɛ bélé dɔrɔporo pan zo, Ilé flinle gin ’é kɛlɛ bélé pɔme gin zo,

¹⁰ Yé i ’léé ’é kɛlɛ bélé nwɛ zima zo, — ’Té éé yoroan é zima an sɔlɛzan lɛ, Yé éé yoroma yigyɛmunu lɔlu ma.

¹¹ Maa a an sɔlɛzan zé nya, Yé a bli bɔ an ma.

¹² An sɔlɛzan, ’i da, ’ko go féi, Ko nyana fla ma.

¹³ Bladi ko dan go lɛ dɔrɔ féi, Dé dɔrɔ punla nɛɛ? dé a vwinu bii? Dé grénadéyilinu vwinu bii? yé ko wo ye. ’Bɛna lé maa dan anlé sɔlɛle nagɔɔn lɛ i lɛ.

¹⁴ Lia lé wa laama mandragoo, wo gin nwɛɛn‐an, Yé yiliporo zima faa a kolé kɔn ’léé, A dɛrɛ valé a kwanu; An sɔlɛzan, maa wo tadɔ izé nya.