Wegɔné Ma Lɛrɛ 6 - Kazambale lé Sebe Sauunu 1979

¹ Bi lé i nɔnɔmi mini lomu faa ta, I sɔlɛzan go kyɛɛn? I sɔlɛzan go kyɛnziaa? Ko dan pa lɛ i va, a ginile we gi. —

² An sɔlɛzan go élé féi, Élé flɛri ginzan féi, Fɛblele nɔle we ma élé trubɛnu lɛ féi, É valé bolu lé goo sole we ma.

³ Maa a an sɔlɛzan zé nya, yé an sɔlɛzan a anzé nya; Éé fɛblele no élé trubɛnu lɛ bolu lé goo gi.

Lɛrɛ soruzan

⁴ An bwɛ, i a é nɔnɔmi bélé Tiisa fla zo, I an gi nanaan bélé Jérusalɛm zo, Naa, i a kanamafɛ nya bélé sunya palunu lé woo dan wolé draponu wuo, wo zo.

⁵ Ilé an naginile éé gibɔrɔ paan an ma, amalé ’i yuɛ si an va. I nwiin nwun a bélé boli trubɛ palunu lé Wo ke Galaad gɔ zunna, wo zo.

⁶ I suiɛ a bélé ’bla trubɛ palu lé Wo si ’yi minina, wo zo; Wo faa éé né yaan fiané nya, Sɔnzan do ’ka wo va lo.

⁷ I blin a i ’wuo ma bélé grénadéyili poro fee zo I yarayɔɔsɔ wuo.

⁸ Minwiinzan blɛn na a le yɔ yaa, A bwɛnu a le yɔ ziɛn, Yé alé blɛnnu nɔnɔ ’léé ’ka lo.

⁹ Naa, anlé plala, anlé gun‐amalozan a do kpen; É a é bu lé néwɔlɛ do kpen nya, É a é yaazan sɔlɛné nya. Blɛnnu a ye, yé wo léé, azé a néné; Minwiinzan blɛn nanu valé a bwɛnu é ziin, wa tɔ zin fé. —

¹⁰ De ɛ dan bélé tukinile zo bɛɛ? A nɔnɔmi a bélé moné lé, éé bié bélé yiri lé, Naa, é a kanamafɛ nya bélé sunya palunu lé woo dan ’wolé draponu wuo, wo zo. De léé? —

¹¹ An zun yiliwɔlɛ féi Pɛnguru gi lu tuule naginile we ma, Dé dɔrɔ punla nɛɛ? Dé grénadéyili vwi bii? yé maa ye.

¹² Anlé blibɔmawe an kɛlɛ Bélé anlé munu plɛplɛ lé gulidangoronu zo, ’té maa ’ka a gi dɔɔa lo. —