Wegɔné Ma Lɛrɛ 4 - Kazambale lé Sebe Sauunu 1979

¹ I a é nɔnɔmi, an bwɛ, i a é nɔnɔmi é baba; I yuɛ a bélé plawuo zo I yarayɔɔsɔ wuo. I nwiin nwun a bélé boli trubɛ palunu lé Wo ke Galaad gɔzunna, wo zo.

² I suiɛ a bélé ’bla trubɛ palu lé wo wo kyɛɛ bɔi, ’Té wo si ’yi minina, a zo; Wo faa éé né yaan fiané nya, Sɔnzan do ’ka wo va lo.

³ I lɔlu gi a sɔɔn bélé kununu sɔɔn zo, Yé i ’léé éé mi sian ana; I blin a bélé grénadéyili poro kuru zo, I yarayɔɔsɔ wuo.

⁴ I bɔrɔ a bélé kɔn torole lé David a dɔ Élé gulidanfɛnu zéngikɔn nya, a zo; É mibotakuunfɛ wuru soru dun ’bɛna, Wo faa a nyanazannu takuunfɛ nya.

⁵ I nyɔ fiénu a bélé ganboroné fié zo, Bélé gan tina ɛ né yaa fiané nya, ’Té woo fɛ blé bolu lé goo méléna, wo zo.

⁶ An dan go lɛ miré gɔ nwiin, An dan go lɛ lasikɔrɔpo gɔpanénu nwiin Nyanadi fu giéle ’lɛ, ’Té furɔnu ta saan.

⁷ An bwɛ, i a é nɔnɔmi bɛ faa ma. Gun do kpen ’ka i ma lo.

⁸ ’I da, ko si Liban, ’ko go, An bwɛ, ’i da, ko si Liban, ’ko go, ’Ko go Amana gɔ nwiin, ’Ko go Sénii valé Eɛmɔn gɔ nwiin, Yé ko dɔ ’bɛna yé ko golizra yiina nagini, Yé ko kua lé gɔnu nagini.

⁹ An buru, an bwɛ, an bli faa go i zuo, I yuɛ vɔ an ta do kpen yé an bli faa go i zuo, I bɔrɔmakyan bale do an sia ana.

¹⁰ An buru, an bwɛ, ilé sɔlɛle a néné, Ilé sɔlɛle mini dɔrɔ ta, Ilé lasikɔrɔ gin a néné é mini zianbla ginzannu faa ta.

¹¹ An bwɛ, zɔrɔnyɔnɔ a i lɔlu gi; Zɔrɔnyɔnɔ valé nɔnɔ a i nɛnɛ la. Ilé varɔ gi gin a néné bélé Liban gin zo.

¹² An buru, an bwɛ, bii a bélé zianféi lé wo gɔrɔ bo a zi, a zo; I a bélé ’yi’wuo lé wo laso vɔ a zi, bélé ’yibɔna lé wa lɛ tan, a zo.

¹³ I a bélé féi lé ana fɛnu gɔn bɔ, a zo; grénadéyilinu ana; Yilinu lé wo poro ke é zima, wana, ’Bɛ valé troɛneyili valé nariyili nya.

¹⁴ Nari lasikɔrɔ valé blaginzan safran koo, gyan ginzan valé yilikɔlɛ?-?ginzan sinamom koo, Yilinu faa lé woo lasikɔrɔpo kɛla wo nya koo, Mirélia valé aloɛlia koo, Blaginwezannu koo, wo faa ana.

¹⁵ I a bélé ’yibɔna zo zianféi méléna, Bélé ’yi zin lé éé yoroan, a zo, Bélé Liban tɛrɛ la ’yi lé a yuɛma éé bɔa, a zo.

¹⁶ Fudrɔɔ, ’i da, fu liéliéné, ’i da, ’Ka gié anlé féi ta, yé a gin néné ’é nwɛɛn. — An sɔlɛzan ’i da ilé féi ma, Bé poro zima ble ma. —