Wegɔné Ma Lɛrɛ 2 - Kazambale lé Sebe Sauunu 1979

¹ Maa a bélé Sarɔn roze flɛri zo; Maa a bélé bolu lé goo zo pɛnguru gi. —

² An bwɛ a blɛnnu méléna Bélé bolu lé goo lé ke lélinu méléna, a zo. —

³ An sɔlɛzan a pɛniɛnu méléna Bélé pɔmeyili lé ke pɔrɔ gi yilinu méléna, a zo. É sɔ an lɛ léé, an nyana a furɔ va, Yé a poro a néné an lagolo ma.

⁴ É go an nya élé fɛtikɛlɛkɔn gi, Yé drapo lé é a dun an nwiin, sɔlɛle lé.

⁵ I sɔle an lɛ vɔ an ma gyɛ nya, Amalé ’i an fuu dɔ an ta dɔrɔporo gato nya, ’I plɛplɛ nɔ an lɛ pɔmeyili poro nya.

⁶ ’I bɛbo pla an ’wuo wuo, ’I bɛyi vɔ an zi.

⁷ Jérusalɛm lomu, an bɛgi vɔ ka lɛ Zoro valé bwi gi vɔlɛ tɔ nya, Té ka an sɔlɛzan vuo looo lo; Té ka an sɔlɛzan vuo é vuobléyi ’lɛ lo. —

Lɛrɛ fiézan

⁸ An sɔlɛzan dére lé éé wé bɛoo bɛ! Bé ye, yee lé é dan Fɔrɔle nya gɔnu nwiin miɛ, ’Té éé zunwo gɔpanénu nwiin.

⁹ An sɔlɛzan a bélé gan zo, É a bélé vɔlɛ boroné zo. Yee lé bɛ, é a kolé gɔrɔ zi, É a naginina fɛnɛti ta, É a naginina foliɛwɔlɛ fɛnɛti ta.

¹⁰ An sɔlɛzan we fe an lɛ yé é lé an lɛ léé: An bwɛ nɔnɔmi, ’i nwa, ’i da.

¹¹ Naa, dunubléyi gié, Yɛrɛgabléyi bɔ,

¹² Fɛ vwi a bina tɛrɛ la, Lɛrɛvɔbléyi bɔ, Woo plala dére maan kolé féinu ta.

¹³ Bɔrɔyili poro a tanana, Dɔrɔféi vwi gin a nwɛɛnna. An bwɛ nɔnɔmi, ’i nwa, ’i da.

¹⁴ Anlé plawuo, bii a é yɔɔle gɔlɛfee gyɛna gi, I a é yɔɔle gɔlɛkoro gi, ’I yara gɔɔn an lɛ, ’I we, ’maa ’ma, Naa, i dére a néné yé i yara an gi nanaan.

¹⁵ ’Ka blén zo kuané kun ko lɛ, Blén zo kuanénénu lé woo dɔrɔféi sɛra, ’ka wo kun; Naa, kolé dɔrɔ vwi a bina.

¹⁶ An sɔlɛzan a anzé nya, yé maa a yee ɛzé nya; Élé trubɛ blena kɛla bolu lé goonu méléna.

¹⁷ An sɔlɛzan, ’i da nyanadi fu giéle ’lɛ, ’Té kɔnfurɔ ta toro. ’I kɛlɛ bélé gan zo, ’i kɛlɛ bélé vɔlɛ boroné zo, Gɔnu lé wo ko kini ékema, wo nwiin.