Wegɔné Ma Lɛrɛ 1 - Kazambale lé Sebe Sauunu 1979

Lɛrɛ vininzan

¹ Wegɔné ma lɛrɛ lé Salomɔn a vɔ, yee lo.

² ’É pwɛpwɛ vɔ an ma ma, Ilé sɔlɛle a néné é mini dɔrɔ ta;

³ I ta lasikɔrɔ gin a néné é baba; I tɔ a bélé lasikɔrɔ lé a gin éé nwɛɛn‐an, a zo; Bɛwemalé i sɔ blɛn boronénu lɛ.

⁴ ’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

⁵ Jérusalɛm lomu, maa a é ti, naa, duowo maa a é nɔnɔmi Bélé Kédaa lé sɔkɔnnu zo, bélé Salomɔn nyanawuo furɔ zo.

⁶ Té ka nyé yéli an kɛlɛle é ti ma lo, Naa, yiri ɛ an waan é wo. An bu benu bli fli an ma, Yé wo an kɛlɛ wolé dɔrɔféi zibinzan nya. Maa ’ka anbozen lé dɔrɔféi zi bin lɛ lo.

⁷ Bii lé an bli bɔ i ma, Ilé ’blanu blena kɛlɛ kyɛɛn? I wolé yiéyi flinna kɛlɛ kyɛɛn? Bé fe an lɛ. Mɛmalé é a lé an kɛlɛ i bɔlunu lé trubɛnu sɔnɔ Bélé mi lé é zi saan, a zoo? —

⁸ Bii le lé i nɔnɔmi mini lomu faa ta, dé i ’ka ’bɛ gi dɔɔa lo na, ’I ’blanu pa bo, ’I bolinu blena kɛlɛ ’Blatabinzannu nyanana sɔnɔ. —

⁹ An bwɛ, i a bélé wisooda lé éé Faraɔn lé goro ganaan, a zo.

¹⁰ I blinnu a é nɔnɔmi kyanwɔlɛbalenu méléna. I bɔrɔ a é nɔnɔmi gɔlɛwezan pɛrɛl?-?balenu méléna.

¹¹ Ko dan bɔrɔmakyanbale kɛlɛ lɛ i lɛ, ’Té é a é vɔɔle gɔɔlifu nya. —

¹² Bléyian va lé minwiinzan blɛn a ’é zimunu va, Anlé nari lasikɔrɔ gin néné éé nwɛɛn‐an.

¹³ An sɔlɛzan a bélé miré poné lé, Éé yiian an nyɔnu méléna, a zo.

¹⁴ An sɔlɛzan a an lɛ bélé troɛné flɛri zo An‐Gédi lé dɔrɔféinu gi. —

¹⁵ I a é nɔnɔmi, an bwɛ, i a é nɔnɔmi é baba; I yuɛ a bélé plala zo. —

¹⁶ An sɔlɛzan, i a é nɔnɔmi, bii do kpen ɛ sɔ an lɛ; Kolé yialafɛ a bélé lu drɔɔ zo.

¹⁷ Kolé kɔndɔyili a sɛdrɛyili nya, Kolé kɔngwa a siprɛyili nya.