Wegɔɔnle 15 - Kazambale lé Sebe Sauunu 1979

Migyɛgyɛ voéla sɔrafié a lanjenu lee

¹ ’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

² Yé maa fɛ do ye, é a bélé wɛyi zo, ’té é a bélé vlinvlin wezan zo, yé é a bélé é a é vɔɔle kyɛ nya, yé wi koo, é yili koo, a tɔ lé nibiéro koo, munu lé wo wo kele, wa é dɔle yee vlinvlin wezan wɛyi ta, ’té Kazambale lé kɔnɔnu a wo lee.

³ Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

⁴ Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

⁵ ’Bɛ zuo, maa a naginina, ’té sɔkɔn lé wenayefɛ ke é pale a gi, alé fɛna sauun lɛ a é sole la gi.

⁶ Lanje sɔrafié lé, migyɛgyɛ sɔrafié ke wo lee, wo bɔra fɛna sauun gi, lɛnsɔ zima nyananyana nya ’wo ta, kyan kyɛsidi nya ’wo golɛ ta.

⁷ Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

⁸ Balebangikɔn lé fɛna sauun fan Kazambale ta kyɛgoi lé é ke alé fuasan valé alé plɛplɛ nya, a nya; yé mi do kpen ’ka bɔa wɔrale lɛ Balebangikɔn gi lo, fɔɔ yé lanje sɔrafié lé migyɛgyɛ sɔrafié lɛ é sɔɔ.