Lɛrɛvɔ Sɛbɛ 99 - Kazambale lé Sebe Sauunu 1979

Minwiinzan blɛnnu ézan Bale

¹ Gakelebale a é plale munu nwiin, gligli éé zén‐é munu gi; É mini sérubɛnnu ta; tɛrɛ ma éé nyɔɔn‐an.

² Gakelebale a blɛn Siɔn, É a é dɔle migɔnɔnu faa nwiinzan nya.

³ I tɔ lé é ke blɛn yé éé kana zén‐é mi gi, ’wa bié ma. A ’lɛ a.

⁴ Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

⁵ ’Ka Gakelebale, kolé Bale kɛlɛ blɛn, Yé ’ka ’wuo wɔra a gane wuo. É a sauun.

⁶ Balebanzannu va, Moizi valé Arɔn koo, Bale tɔ laazannu va Samuɛl koo, Wo Gakelebale laa yé é we.

⁷ É we fe wo lɛ lati pɔrɔlɔ gi, Yé bélidɔwe sɔnnénu valé bélidɔwe lé é a nɔ wo lɛ, wo a ta tawo.

⁸ Gakelebale, kolé Bale, i wolé bazorole nyi si, I kɛlɛ wo lɛ Bale lé éé mi ma we voo, a nya, Naa, i we lɛdɔ wo gi wolé saanlenu we ma.

⁹ ’Ka Gakelebale, kolé Bale tɔ kɛlɛ blɛn, Yé ’ka dia ka bli ta a ’lɛ, gɔblɛn ’lɛzan nwiin. Naa, Gakelebale, kolé Bale ’lɛ a.