Lɛrɛvɔ Sɛbɛ 98 - Kazambale lé Sebe Sauunu 1979

Bale ɛ ke é plale tɛrɛ faa nwiin

¹ Lɛrɛ lé. ’Ka lɛrɛ dɛrɛ vɔ Gakelebale lɛ. Naa, éé givuruwenu kɛla. É a plɛplɛ yé a ’lɛ a, amalé guliwuo vo a lɛ.

² Gakelebale éé mi sié we gi fɛan zo, é a nagɔɔn, É ’élé we tegele nagɔɔn bɛnnu yuɛ va.

³ Alé zin koo, a yara pale Izraɛl mawe kɛlɛle ta koo, Wo sele dɔ a gi. Kolé Bale éé mi sié we gi fɛan zo, munu a ye fɔɔ tɛrɛ glɛ sina.

⁴ ’Kaa tɛrɛlamunu faa, ’Ka siaa Gakelebale lɛ ginanale nya; ’Ka fan ginanale nya fɔɔ fɔrɔle nya, yé ’ka lɛrɛ vɔ.

⁵ ’Ka lɛrɛ vɔ Gakelebale lɛ kɔnɔ va; ’Ka lɛrɛ vɔ kɔnɔ va ma.

⁶ ’Ka lɛrɛ vɔ béli fɛnle valé panné gyɛle nya, ’Ka siaa ginanale nya minwiinzan blɛn Gakelebale ’lɛ.

⁷ Wɛyi valé é vafɛnu, wo vun wele zuogi ’é go ma, Tɛrɛ valé a tamunu ’é fɔrɔ ginanale nya ma.

⁸ Yuunu ’wo bɛ gyɛ ma, Gɔblɛnnu faa ’é siaa ginanale nya

⁹ Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.