Lɛrɛvɔ Sɛbɛ 97 - Kazambale lé Sebe Sauunu 1979

Bale a é plale mi faa nwiin

¹ Gakelebale a é plale mi nwiin; tɛrɛ gi ’é nana ginanale blɛn nya ma; Tɛrɛ kiɛre lé ke wɛyi méléna, wo gi é nana blɛn ma.

² Latinu valé gunutinu a é dirile a zi, Alé plale mi nwiin pun lé ke wetegele valé wedrɔle nya.

³ Kyɛ éé tawoo a ’lɛ, Yé a mazannu lé wa zi lɛ sɔɔ, kyɛ éé wo blé.

⁴ Alé lɛɛ yuɛwuovɔlenu éé tɛrɛ va kinié. Tɛrɛ ’bɛ ye tɔɔn, gligli zén a gi;

⁵ Gɔblɛnnu ’yi éé boo bélé yilinyɔnɔ zo Gakelebale ’lɛ, Tɛrɛ faazan ’lɛ.

⁶ Lanu alé we tegele zana dɔɔan, Yé migɔnɔnu faa alé fua yé.

⁷ Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

⁸ Siɔn munu we ’ko ’ma, yé wo gi a nanana; Oo Gakelebale, ilé weblele zama Juda lomu gi a nanana ginanale blɛn nya.

⁹ Naa, Gakelebale, bii a Loruzan nya tɛrɛ faa ta, I a é dɔle balenu faa nwiinzan blɛɛn bozen nya.

¹⁰ Ka‐an, Gakelebale sɔ ka lɛ, ’ka wenaané za pa ma. Éé yuɛ paan élé yarapawetazannu boen va, Éé wo sié minyanénu lee.

¹¹ Mi tegelenu lé we ma lé Kazambale éé san nwɛɛn‐an, Yé munu lé wo bli ke tegele, wolé we ma lé ginanale ke.

¹² ’Kaa mi tegelenu, ka gi ’é nana blɛn Gakelebale gi, Yé ’ka a kɛlɛle sauun tɔ bié kalé a tɔ zin fele nya.