Lɛrɛvɔ Sɛbɛ 92 - Kazambale lé Sebe Sauunu 1979

Bale tɔbɔlɛrɛ lé

¹ Lɛrɛ lé. Flinyi lé Bale tɔbɔlɛrɛ lé.

² Gakelebale tɔ zin fele a é zima. Oo Loruzan, i tɔ biéle a é zima.

³ Ilé zin zana dɔɔle bladi a é zima, Yé i yara pale we ta zana dɔɔle é béli a é zima,

⁴ A zuo fele kɔnɔ lé a bale ke vu koo, gitaa koo, Kɔnɔ koo, wo gyɛle nya, é a é zima.

⁵ Oo Gakelebale, i an gi nanaan i panyanamanu ma, Yé an lɛrɛ vɔa ginanale blɛn nya, i bɛ panyanamanu ma.

⁶ Oo Gakelebale, i panyanamanu a blɛɛn; Mi ’ka i gibɔrɔle gi maan lo.

⁷ Wedɔɔalozan ’ka we do dɔɔa a gi lo, Yé tavozan ’ka a gi do kpen maan lo.

⁸ Dé mi nyanénu tuu bélé lu zooo, Dé wenyanékɛlɛmunu faa vwi bioo, Wo sɛrɛle tata we ma lé é kɛlɛ.

⁹ Naa, bii Gakelebale, bii ɛ ke Loruzan nya, Lɛɛfaama, a glɛ ’ka lo.

¹⁰ Oo Gakelebale, i nyanézannu éé zamaga woo; Munu faa lé woo wenaané kɛla, wa é kinile ékema.

¹¹ Yé i plɛplɛ no an lɛ bélé du zo, I nyɔnɔ dɛrɛ zén an ta.

¹² Dé an yuɛ vɔ an nyanézannu ta, an gi éé nanaan, Dé maa an mazannu dére ’ma, an gi éé nanaan.

¹³ Mi tegelenu éé tin‐é bélé yɔ zo, Woo toroan bélé Liban lé sɛdrɛyili zo.

¹⁴ Wa é surule Gakelebale lé kɔn gi, Wolé we nyian é wo kolé Bale lé gɔrɔ gi;

¹⁵ Tɔnɔ a wo ma wo kwa ta gi, Wo ’yi a wo va yé wo fuu a wo ta,

¹⁶ A gɔɔnle munu lɛ we ma léé, Gakelebale a tegele. É a anlé gɔlɛgɔ nya, yé weple do kpen ’ka a gi lo.