Lɛrɛvɔ Sɛbɛ 85 - Kazambale lé Sebe Sauunu 1979

Izraɛl bɛn lé zin yele ma bazorole

¹ Koré kulunu lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛ lé.

² Gakelebaleoo, Bale, i bli kɛlɛ ilé tɛrɛ ma é zima. I Jakɔb lé munu si luubale gi;

³ I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

⁴ I daan i wɛwɛ dɔle faa ma, Ilé bliflile lé é ke tɔntɔn, i daan a ma.

⁵ Ko siéwegi Bale, ’i ko dɔ ana gligli é ziin ma. ’I daan i bli tɔntɔn ma ma.

⁶ I dan ko ’léé wɛ lɛ yifaamaa? I dan vo lɛ i bli flina a zo ’koo?

⁷ I ’ka dan fuu dɔ lɛ ko ta é ziin Yé ilé munu gi é nana i gi loo?

⁸ Gakelebale, ilé zin nagɔɔn yé ko ye, Yé ’i ko si we gi.

⁹ Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

¹⁰ Iin, munu lé woo kanaan a lee, alé mi silewegi a wo sɔnɔ, A tɔbɔle vole ana kolé tɛrɛ la we ma.

¹¹ Zin valé yarapalale éé keeé, We tegele valé we drɔɔ sɔ ékeva;

¹² Yarapale we ta gɔn éé bɔraan tɛrɛ la, Yé we tegele lé é ke la gi loru, éé tɛrɛla ginian.

¹³ É ziin, Gakelebale é dan ginanawe kɛlɛ lɛ, Yé kolé tɛrɛ é dan fɛ dɔ lɛ.

¹⁴ Wetegele é dan tawo lɛ a ’lɛ, Yé vole drɔɔ é dan kɛlɛ lɛ a pa gi.