Lɛrɛvɔ Sɛbɛ 82 - Kazambale lé Sebe Sauunu 1979

Bale ɛ ke Minwiinzannu é zan nya

¹ Lɛrɛ lé Azafa a vɔ. Bale éé dɔa loru élé zén‐ékevamunu méléna; Éé we blé balenu méléna.

² Ka dan vo lɛ weblena dabli nya yifaamaa? Ka dan vo lɛ dɔna mi nyanénu zuo yifaamaa? Ka ye do.

³ ’Ka we tegele kɛlɛ mi tɔɔtɔɔ valé ti valé bu galamunu lɛ ma, ’Ka wenaanébɔmazannu valé nyanégyɛmunu lé we ble é boen ma.

⁴ ’Ka nyanaizénlazan valé nyanégyɛzan si we gi ma, ’Ka wo si mi nyanénu lee.

⁵ Wedɔɔle valé gikinile ’ka wo lee lo, Woo tawoo gunutinu va; Tɛrɛ gane vɔna faa ma éé nyɔɔn‐an.

⁶ Maa a fe kɔɔn léé, ka a balenu nya, Ka faa a Loruzan benu nya.

⁷ Naa, duowo, ka gaan bélé munu zo, Ka siaan bélé dé é a minwiinzan‐oo zan‐an nya, a zo.

⁸ Baleoo, Bale, ’i nwa, ’i tɛrɛlamunu lé we ble. Naa, bɛnnu faa a izé nya.