Lɛrɛvɔ Sɛbɛ 8 - Kazambale lé Sebe Sauunu 1979

Bale lé fua — blami plale fɛnu nwiin

¹ Lɛrɛ lé David a vɔle gɔɔn lɛrɛvɔmunu ’lɛzan lɛ; ’wo lɛrɛvɔfɛ Gititi gyɛ a va.

² Gakelebale, kozan, I tɔ a blɛn tɛrɛ faa la. Ilé fuasan blɛn éé nwaan lanu ta loru.

³ Nunukénénénu valé liinénu lé wo ke nyɔ ma, I tɔbɔle éé sié wo ’léé, i mazannu lɔlu lɛ tanle we ma, I nyanézan valé munu lé woo nwaan i ma, wo tadɔle we ma.

⁴ Lanu lé wo ke i bɛnu panyanama nya koo, Moné valé monénénu lé i wo kɛlɛ koo, dé an gi bɔrɔ wolé we ma,

⁵ Blami a mɛ fɛ nya yé a sele éé dɔa i gii? Yé blami be a mɛ fɛ nya yé bé ma we kɛlaa?

⁶ Naa, bé kɛlɛ léé, é vo sɛ yé é kɛlɛ bélé Bale zo, Yé i fua valé tɔ blɛn wo a ’wuo ma bélé tɔkoro zo.

⁷ Bé pla i bɛnu panyanamanu nwiin, I fɛnu faa pla a gane wuo,

⁸ ’Blanu koo, dirinu koo, Bwi gi winu koo,

⁹ Lagi mianénu koo, wɛyi va pɔnu koo, Fɛnu faa lé woo giéan wɛyi wuo zinu ta koo, woo faa lé.

¹⁰ Gakelebale, Kozan, I tɔ a blɛn tɛrɛ faa la.