Lɛrɛvɔ Sɛbɛ 77 - Kazambale lé Sebe Sauunu 1979

Mi tɔrɔpaale nyaneblebléyi va

¹ Azafa lɛrɛ ’ko vɔle gɔɔn lɛrɛvɔmunu zilɛzan lɛ. Jédutun zé yɛrama.

² Maa an dére nwaan Bale lɛ, yé an siaan; Maa an dére nwaan Bale lɛ, yé é dan é tɔné dɔ lɛ an lɛ.

³ An Mizan naginian anlé klebleyi la, É béli, an bɛ nwaan a lɛ, ’té an wɔlɛ gi ’ka nyaan an ma lo; An boen éé sɔn vɔa é tɔrɔpaale ma,

⁴ Bale sele éé dɔa an gi, yé an dunnuma; An bɔn‐in bɔrɔan yé an léli fuu si é ta. Ka ye do.

⁵ I an yuɛ takɔnénu vo é fuole; Yé anlé gibɔrɔpale zi, an ’ka bɔa wefele lɛ lo.

⁶ An gi bɔrɔma we kyɛnnu ma, Lɛɛnu lé wo gié, wo giwenu ma.

⁷ An gibɔrɔma anlé lɛrɛnu ma é béli, An ’wuogibɔrɔma an bli gi, Yé maa laan anbo lee léé:

⁸ Mizan é dan sɔn vɔ lɛ mi ma yifaamaa? É ’ka dan wezin kɛlɛ lɛ é dɛrɛ loo?

⁹ Alé zin nyaa tataa? A dére é nyaa é pla a zo ’koo?

¹⁰ Yé miwe ’ka ’naan a ma é dɛrɛ loo? Alé bliflile zi, é ’ka nyanai zén mi ta é dɛrɛ loo?

¹¹ Maa léé: We lé é ’naan an ma, yee lé ke léé, Loruzan bɛyi ’ka bélé é vinin zo lo.

¹² Gakelebale panyanamanu sele é dan dɔ lɛ an gi. Naa, we blɛnblɛnnu lé bé kɛlɛ é vinin, wo sele a an gi;

¹³ Maa dan i panyanamanu faa zuo fe lɛ, Maa dan i kɛlɛwe blɛnnu zuo fe lɛ.

¹⁴ Oo Bale, ilé tawobɛ a sauun; Bale kyɛn ɛ ke blɛn bélé bii Bale zoo?

¹⁵ Bii a Bale lé éé we blɛnblɛnnu kɛla, a nya; I ilé plɛplɛ nagɔɔn munu méléna.

¹⁶ I bɛ nya lé i ilé munu si munu lee, I Jakɔb valé Jozɛfu benu si munu lee. Ka ye do.

¹⁷ Oo Bale, ’yinu i ye, ’Yinu i ye yé gligli zén wo gi; Gurunu lé wo wɔlɛ ma nyaana ’ka lo, wo gi lɛ tan.

¹⁸ Latinu lɛɛ da fɔɔ yé wo bua soowɔla, Zagele banle zuogi éé goo wele nya latinu ta, Yé ile sawɔlɛnu si fɛfaana.

¹⁹ Ilé zagele banle vun we barikoko gi, Lɛɛ yuɛ wuovɔlenu tɛrɛ ta kini; Tɛrɛ gi tunu yé a manyɔɔn.

²⁰ I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

²¹ I go ilé munu nya bélé trubɛ zo, ’Té wa Moizi valé Arɔn lee.