Lɛrɛvɔ Sɛbɛ 76 - Kazambale lé Sebe Sauunu 1979

Guliwuo vo lɛ Bale

¹ Azafa lɛrɛ ’ko vɔle gɔɔn lɛrɛvɔmunu zilɛzan lɛ. Kɔnɔnu lé wo balenu ke, ’wa gyɛ a va. Bale tɔbɔlɛrɛ lé.

² Wo Bale dɔɔ Juda tɛrɛ la, A tɔ a blɛn Izraɛl tɛrɛ la.

³ Alé sɔkɔn a Salɛm, Yé a nyanana a Siɔn.

⁴ Ana lé sawɔlɛnu koo, Mibotakuunfɛ koo, gwɔun koo, gulidanfɛnu koo, é wo sɛrɛ. Ka ye do.

⁵ Plɛplɛfaazan, Bale Kwakwa, I mini guliwuovolɛzannu faa ta.

⁶ Nyanazannu ’ko lé, wo bli ta ke é dɔle plɛplɛ, wo wo poro, Wa wolé dirimayi gyɛna; Nyanazannu ’ko wo ’ka bɔ lɛ wobo takuunle lɛ lo.

⁷ Jakɔb lé Bale bon‐ɛn la wo nya tɔɔn, Wisoonu valé wo tazannu, yi go wo nya baa.

⁸ Oo bii, i kana zén‐é mi gi. Dé i bli fli, de ɛ bɔa dɔle lɛ i ’lɛɛ?

⁹ I we gibɔidére zana dɔɔ lagi loru; Gligli zén tɛrɛ gi, yé ébo kun, yé é dɔ flee,

¹⁰ Bléyian va lé Bale nwa we tegele kɛlɛle we ma, Wenaanébɔmazannu faa sile we gi we ma tɛrɛ la, a bléyi va. Ka ye do.

¹¹ Blami lé bliflile éé kɛla i tɔbɔwe nya, Yé ibozen lé wɛwɛ a ilé gulidan gwɔun nya.

¹² Ka Gakelebale, kalé Bale kun dérean nya, ’ka a lɛ sɔɔ. Munu faa lé wo ke a zi, ’wo da blɛ nya Bale lé, éé di kinié mi gi, a lɛ ma.

¹³ Éé minwiinzannu lé boblɛn ta zanaan, Éé kana zén‐é tɛrɛ la minwiinzan blɛnnu gi.