Lɛrɛvɔ Sɛbɛ 75 - Kazambale lé Sebe Sauunu 1979

Munu lé weblezan Bale

¹ Wo lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ tata lo. Azafa zé lé. Bale tɔbɔlɛrɛ lé.

² Ko i tɔ zin fé, oo Bale, ko i tɔ zin fé; I tɔ a ko ’léé, Ko ilé we blɛnnu zana dɔɔma.

³ Bale léé: Yi lé maa a dɔ, dé a yi bɔ Maa dan we ble lɛ tegele.

⁴ Tɛrɛ ma ’éé nyɔɔnma, yee valé é tafɛnu faa nya; Maa, an dan alé wɛyilinu dɔ lɛ gligli. Ka ye do.

⁵ Munu lé woo wobo ze vɔa, maa lé wo lɛ léé, té ka kabo ze vɔ lo. Yé maa lé mi nyanénu lɛ léé, té ka ’wuo nwa lo.

⁶ Té ka ’wuonu nwa loru ’bɛ zo lo, Té ka we fe boblɛn dérenu nya ’bɛ zo lo.

⁷ Naa, mi kɛlɛle blɛn ’ka sié, dé yirinwanazia léé? dé yirivɔnazia léé? Dé nyéné saa lé fɛna léé? wona lo.

⁸ Naa, ’bɛ éé sié Bale ɛ va; Yee ɛ mi do tuaan, yé yee ɛ mi koɛ nwaan.

⁹ ’Yiminikana ana Gakelebale lee, A gi lé dɔrɔ vɔɔle ke, ’té a tɔn éé dɔa, Yé é a ke zana, léé, Mi nyanénu faa lé wo ke tɛrɛ la, ’wa mini, ’wa minian fɔɔ yé é bɔ a wuobo ma.

¹⁰ Maa dan we ’konu zana dɔɔ lɛ yifaama; Maa dan Jakɔb lé Bale tɔ bɔ lɛ lɛrɛvɔle nya.

¹¹ Maa dan mi nyanénu lé plɛplɛ faa zana lɛ a gi; Maa dan mi tegelenu lé plɛplɛnu taa pa lɛ.