Lɛrɛvɔ Sɛbɛ 70 - Kazambale lé Sebe Sauunu 1979

Bɔle mi va ma bazorole

¹ David lɛrɛ ’ko vɔle gɔɔn lɛrɛvɔmunu zilɛzan lɛ. David zé lé. We sele dɔ mi gi lɛrɛ lé.

² Baleoo, Bale, ’i da é kele, ’i an si wo lee. Gakelebale, ’i da é kele, ’i bɔ an va.

³ Munu lé wa a va léé, ’wo an gyɛ, yara ’é wo gyɛ yé yaragyɛwe ’é bɔ wo ma ma. Munu lé wa a va léé, ’wo an saan, wo yuɛ ’é tana yé ’wo gyɛ ’wo zuo.

⁴ Munu lé wo ke siaana: Aa! Aa! ’Wo gyɛ ’wo zuo yara lé wo gyɛle we ma.

⁵ Munu faa lé woo i naginian, Wo gi ’é nana i gi, ginanale blɛn lé a glɛ ’ka lo, a nya. Munu lé ilé misilewegi sɔ wo lɛ, ’Wa fe bléyi faa ma léé, ’wo Bale tɔ nwa ma.

⁶ Maa, maa a nyanégyɛzan nya; fɛ do ’ka an lee lo, Baleoo Bale, ’i zin kɛlɛ an lɛ é kele. I a an bɔvazan nya; i a an bélizan nya. Gakelebale, té i mɔn lo.