Lɛrɛvɔ Sɛbɛ 67 - Kazambale lé Sebe Sauunu 1979

Bale bɔvɔlɛrɛ lé

¹ David lɛrɛ ’ko vɔle gɔɔn lɛrɛvɔmunu zilɛzan lɛ. Kɔnɔnu lé a balenu ke, ’wa gyɛ a va. Pisɔmé lé. Bale tɔbɔlɛrɛ lé.

² Bale nyanai ’é zén ko ta yé ’é ko drɔɔ vo ma, A yara ’é bi ko ta ma. Ka ye do.

³ Léé, munu i kɛlɛwe dɔɔ tɛrɛ la Yé i mi sié we gi fɛan zo, yé bɛnnu faa a dɔɔ.

⁴ Oo Bale, migɔnɔnu i tɔ zin fe ma, Wo faa i tɔ zin fe ma.

⁵ Bɛnnu gi a é nanale, ginanale blɛn nya; Naa, i munu lé we blé tegele, Yé i zi gɔɔn‐an bɛnnu lɛ tɛrɛ la. Ka ye do.

⁶ Oo Bale, migɔnɔnu ’wo i tɔ zin fe ma, ’Wo faa i tɔ zin fe ma.

⁷ Tɛrɛ éé tɔnɔ no; Bale, kolé Bale, é dan ko drɔɔ vo lɛ.

⁸ Bale é dan ko drɔɔ vo lɛ, Yé tɛrɛ glɛ sina munu faa é dan kana lɛ a lee.