Lɛrɛvɔ Sɛbɛ 65 - Kazambale lé Sebe Sauunu 1979

Bale tɔbɔle valé a bɔvɔle

¹ David lɛrɛ ’ko vɔle gɔɔn lɛrɛvɔmunu zilɛzan lɛ. David zé lé. Bale tɔbɔlɛrɛ lé.

² Oo Bale, maa dan i tɔ zin fe lɛ Siɔn an bli ta plɛplɛ nya, Dérenu lé wa fe balekunle nya, wo dan wo lɛ sɔɔ lɛ.

³ Oo bii, biian i tɔné dɔa bazorole lɛ, Munu faa é dan da lɛ bii ɛ va.

⁴ Dé weplenu ko kele, ’I ko ma we vo;

⁵ Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

⁶ Ko Siéwegibale, ilé zin ma lé i kolé we zi paan we blɛnblɛnnu kɛlɛle nya, Munu lé ke baa tɛrɛ valé wɛyi glɛ sina bɛ, wo bli a i lɛ.

⁷ Bale lé plɛplɛ nya lé éé gɔnu dɔa gligli Yé plɛplɛ a a gyɛn kyɛsidi nya.

⁸ Éé wɛyi vun welenu ta zanaan, yé éé wo nwalenu vun tadɔa, Yé éé munu lé wele wooo yi gaan.

⁹ Munu lé wo ke é nyanale tɛrɛ glɛ sina, ilé we blɛnnu kɛlɛle éé kana zén‐é wo gi; Yé yirinwanazia munu valé yirivɔnazia munu, i wo faan ginanale blɛn nya.

¹⁰ I goo tɛrɛ va yé i ’yi kiɛre zén‐é a ta, Yé bé faan fua nya; Bale lé yuu a é fanle Dé i ’yi zén ’sa ma ’ko zo, ’té bé nɛnɛ ma’lɛra,

¹¹ I lɛɛ dan vun dannu gi, yé ana tɛrɛ éé tuaan, I tɛrɛ kaan ’yi nya, i ’sa vɔnɔnu drɔɔ voo.

¹² Fɛ zinnu lé bé no, éé lɛɛ ’ko kɛla lɛɛ zin nya, Yé i giéan fɛana, ana fɛ éé kɛla di;

¹³ ’Yi dɔ nyéné saa lé fɛna dégélé na, Yé ginanale blɛn gɔpanénu zi lɛ sɔɔ;

¹⁴ Winu lé lublena éé faan ’blanu nya, Yé ’sa éé sɔlaan gɔ woronanu na, Ginana siaalenu valé lɛrɛ vɔlenu zuogi éé goo wele nya.