Lɛrɛvɔ Sɛbɛ 64 - Kazambale lé Sebe Sauunu 1979

Mi tabinle ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. David lé lɛrɛ lé.

² Baleoo, Bale, dé maa a dunnuna, ’i tɔné dɔ an dére lɛ. Maa a kanana an nyanézannu lee, ’i an takuun wo lee,

³ ’I an yɔɔ mi nyanénu lé woo an ma we blé, wo lee, Wo valé weplekɛlɛmunu gu lé woo vun wé, woo lee.

⁴ Woo ’wo dére naané taa zén‐é a va an ma, Woo ’wo dére nyanénu fé an ma bélé sawɔlɛ vulile zo.

⁵ Woo voo é yɔɔle, ’té woo sawɔlɛnu ’ko vulian nwiinplazannu va; Woo sawɔlɛnu vulian a va a ma trɔnné va, ’té kana do ’ka wo gi lo.

⁶ Woo bli ta dɔa plɛplɛ wo kɛlɛwe nyanénu gi; Woo bli kɛla do léé, ’wo san vɔ mi lee. Wo léé, de ɛ dan ko ye lɛɛ?

⁷ Woo bɔn‐in bɔrɔan léé, ’wo wenyané kɛlɛ, a fele nya léé, ko lo, ko ma’lɛrɛle nyaa, ko vɔ a zi kwakwa. Mi faa do do bli wɔlɛmawe a fɛan zo, mi ’ka dɔa a ma lo.

⁸ Bale ’élé sawɔlɛnu vuli wo va; Yé kele tɔɔn, é vɔ wo ma,

⁹ Wo dére ma lé wo ga ye, Munu faa lé woo wo yé, woo ’wuo nyɔɔn‐an.

¹⁰ Kana éé zén‐é munu faa gi. We lé Bale a kɛlɛ, wa zana dɔɔan, Yé wa kɛlɛwenu paan ’wo ’wuo gi.

¹¹ Mi tegele gi éé nanaan Gakelebale gi, yé éé yɔɔna naginian a va, Munu faa lé wo bli ke tegele, woo wobo ze vɔa Bale gi.