Lɛrɛvɔ Sɛbɛ 63 - Kazambale lé Sebe Sauunu 1979

Bale lɔrɔ

¹ Lɛrɛ lé David a vɔ, ’té é a nyéné saa lé fɛna Juda tɛrɛ la.

² Oo Bale, bii a anlé Bale nya, maa bii ɛ naginian, I lɔrɔ an boen gya, i lɔrɔ an gya bélé ’yiminilɔrɔ zo, Bélé maa a tɛrɛ lé a gi ke é gale wakawaka, a ta, ’té ’yi do kpen ’ka ana lo, a zo.

³ Maa a an yuɛ vɔna i lɛ ilé kɔn ’lɛzan gi, Ilé plɛplɛ valé ilé fua yele we ma.

⁴ Naa, ilé zin fila vɔ, ’bɛ mini vole é yuɛma lɛ, An lɔlunu i tɔ zin fele biéan.

⁵ Amalé maa dan i drɔɔ vo lɛ anlé tɛrɛla faa gi, Maa dan an bɛnu nwa lɛ i tɔ nya.

⁶ An boen é dan kan lɛ bélé fɛan zo lé an nyɔnɔfɛ néné ble, a zo, I tɔ biéle é dan bɔra lɛ an ’léé ginanale lé siaalenu nya.

⁷ Dé an bɔn‐in bɔrɔ i ma an yialafɛ ta, An gibɔrɔle éé yi keleé an yuɛ ma é béli bléyi faa va.

⁸ Naa, bii a an bɔavazan nya, Yé ginanale lé éé giéan é glɛ la, maa a é nyanale a nya i bɛ wuo.

⁹ An boen a é yerele i ma, I bɛyi a é kunle an ma.

¹⁰ Naa, munu lé wo ke kwa kulina léé, ’wo anlé tɛrɛla nyaa, Wo dan go lɛ tɛrɛ wuo;

¹¹ Wo dan wo gyɛ lɛ gwɔun nya, Gwe é dan wo ble lɛ.

¹² Yé minwiinzan blɛn gi é dan nana lɛ Bale lé we ma; Dé miomian éé bale ’nyɔɔn‐an, wo dan a ze vɔ lɛ, Naa, wo dan viéwozannu lɔlu lɛ tan lɛ.