Lɛrɛvɔ Sɛbɛ 62 - Kazambale lé Sebe Sauunu 1979

Pale Bale lé mi tabinle ta

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Jédutun zé yɛrama. David a vɔ.

² Iin, an boen éé paan Bale ɛ ta, An silewegi éé sié yee ɛ va,

³ Iin, yee ɛ ke anlé gɔlɛgɔ valé an Siéwegizan nya; Yee ɛ ke an yɔɔna plɛplɛ nya, an ’ka dan dia lɛ lo.

⁴ Ka a baana mi ta, Yé ka faa a kwa kulina léé, ka a zana a gi Bélé kɔnguru tɛnlale valé gɔrɔ zanale a gi zo, Ka dan daan lɛ a ma mɛ yi laa?

⁵ Wo bɔn gi bɔrɔan léé, ’é si élé webleblin ta, ’é zun é falo ma; Viéwole sɔ wo lɛ, Woo mi drɔɔ voo wo ’léé, Naa, woo bale paan mi ma wo bli gi.

⁶ Iin, an boen, ’i pa Bale ɛ ta, Naa, an bli kɛlɛle we lɛ éé sié yee ɛ va.

⁷ Iin, yee ɛ ke anlé gɔlɛgɔ valé an Siéwegizan nya; Yee ɛ ke an yɔɔna plɛplɛ nya, an ’ka dan dia lɛ lo.

⁸ Bale va lé an sile we gi valé an ginanale ke. Bale a an takuun gɔlɛgɔ nya; yee ɛ gi lé maa yɔɔma.

⁹ Migɔnɔnu, ’ka pa a ta bléyi faa va, ’Ka blinu faa nɔ a lɛ. Bale a ko yɔɔna nya. Ka ye do.

¹⁰ Iin, blaminu a é pla. Blaminu a vié nya, Dé wo wo faa vɔ kilo ta ékeva, fu fɛle do bɛn mini wo la.

¹¹ Té ka pa glawe ta lo, Yé té ka bli pa kyeenwole gi lo, a tɔnɔ ’ka lo. Dé fuanu gi gyɛ, Té ka bli é vo ’bɛ lɛ lo.

¹² Bale we fe gɔnɔ do, Maa we ’ko ’ma gɔnɔ fié, Léé, plɛplɛ a Bale ɛ lee.

¹³ Mizan, zin a izé nya é ziin, Naa, i mi faa do do banwoo wo kɛlɛwe yɛrama.