Lɛrɛvɔ Sɛbɛ 61 - Kazambale lé Sebe Sauunu 1979

Mi tabinle ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Kɔnɔnu lé wo balenu ke, ’wa gyɛ a va. David zé lé.

² Baleoo, Bale, ’i tɔné dɔ anlé siaalenu lɛ, ’I anlé bazoro dére ban i tɔné nya.

³ An fuu a é sile an ta, ’té an siaan i lɛ tɛrɛ glɛ sina; Gɔlɛgɔ lé an ’ka bɔa a giéle lɛ lo, ’i go an nya a nwiin.

⁴ Naa, i a an yɔɔna nya, I a anlé kɔn kiilii torole plɛplɛ nya, an nyanézan yara.

⁵ Maa a a va lé an nyana i va yifaama ilé kɔn gi, té ’bɛ glɛ é dɔ lo, Yé an yɔɔ i bɛ wuo. Ka ye do.

⁶ Naa, bii, oo Bale, i anlé balekundérenu maan, Munu lé woo kanaan i tɔ ma, tɔnɔ lé bé nɔ wo lɛ, yee duo lé be nɔ an lɛ.

⁷ ’I minwiinzan blɛn lé tɛrɛlayinu taa pa; An lɛɛnu ’é go bɔle nya wo ke zuo ke zuo, lɛɛfaama, té ’bɛ glɛ é dɔ lo.

⁸ ’É vo é nyanale Bale yara élé webleblin ta lɛɛfaama, ’té ’bɛ glɛ é dɔ lo. Ilé zin valé i yara pale we ta lé we ma, ’i vo yuɛ pana a va ma.

⁹ Yé an dan lɛrɛ vɔ lɛ i tɔ nya bléyi faa ma, Yé an dan anlé balekundérenu lɛ sɔɔ lɛ yi faa do do ma.