Lɛrɛvɔ Sɛbɛ 60 - Kazambale lé Sebe Sauunu 1979

Sole we lee ma bazorole

¹ David lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bélidɔwe a bélé bolu lé goo zo, ’wa vɔ a va. Bale tɔbɔlɛrɛ lé David a vɔ, we paale mi gi we ma.

² Bléyian va lé é guli dan Mézopotami tɛrɛ la valé Tesoba tɛrɛ la Sirinu va, yé Joab da é pa gi yé é Édom mi baa suiɛdo gyɛ gɔworona lé wa laama Wɛ, ana.

³ Baleoo, Bale, i ko si i ma; i ko kini ékema, I bli fli; ’i da ko nya é pai;

⁴ I tɛrɛ manyɔɔn yé bé fén gyɛ. ’Bé ma’lɛrɛ ma, naa a ma a nyɔɔnna.

⁵ I we tɔntɔn kɛlɛ ilé munu lɛ, I yuɛgi nɔɔn nwɛ nɔ ko lɛ, ko mini.

⁶ Munu lé woo kanaan i lee, i drapo nɔ wo lɛ, Wolé a nwale webozen ma we gi. Ka ye do.

⁷ ’I ko si we gi i bɛyi nya, yé ’i kolé bazorole nyi si, Léé, munu lé wo sɔ i lɛ, wo si we gi.

⁸ Bale a fe ’élé fɛna ’lɛzan na léé, an bɛ é dan mini lɛ a lɛ. An dan Sisɛm tɛrɛ guli lɛ, yé maa dan Sukɔt gɔworona dan lɛ mɛtrɛ nya.

⁹ Galaad a anzé nya, Manasé a anzé nya; Éfraim a an ’wuo ma kanakoro nya, Juda a anlé plaminwiin soowoli nya;

¹⁰ Moab a kana lé an zuruwo a gi, a nya; Maa anlé sawala vulian Édom ta; An siaan ginanale nya Filisitinu lé tɛrɛ la.

¹¹ De ɛ dan go lɛ an nya fla plɛplɛ taa? De ɛ dan go lɛ an nya Édom tɛrɛ laa?

¹² Oo Bale, bii lé i ko si i ma, ’Té i ’ka bɔa kolé sunyanu va é dɛrɛ lo, oo Bale, bii kaan loo?

¹³ ’I bɔ ko va kolé kleblele gi, Mi bɔle ko va é a we pla nya.

¹⁴ Dé Bale a ko va, ko we blɛnnu kɛla; É dan ko nyanézannu ’wii lɛ.