Lɛrɛvɔ Sɛbɛ 6 - Kazambale lé Sebe Sauunu 1979

We tɔntɔn bɔ bléyi va bazorole

¹ Lɛrɛ lé David a vɔle gɔɔn lɛrɛvɔmunu lɛ. Kɔnɔ lé a balenu ke, ’té wa gya a va. Kɔnɔ lé a bale ke sɔraa, ’wa gya a va.

² Gakelebale, té i we lɛdɔ an gi ilé bliflile nya lo, Té i an bla i wɛwɛ zi lo.

³ Gakelebale, an fuu ’ka an ta lo, amalé i nyanai ’é zén an ta; Gakelebale, an wɔlɛnu ma éé nyɔɔn‐an, amalé ’i an béli.

⁴ An boen éé we gi bɔrɔ paan é baba, Yé bii, Gakelebale, i dan we lɛ an zi mɛ yi laa?

⁵ Gakelebale, ’i da é ziin, ’i anboen si we gi, I nyanai zénle lé we ma lé, ’i an béli.

⁶ Naa, mian é ga, i sele ’ka a gi é dɛrɛ lo; De ɛ dan i tɔ zin fe lɛ migalenu nyananaa?

⁷ An dunnule we ma an fuu éé sié an ta; Béli do do faa ma anlé yialasɔ éé voo drɔɔdrɔɔ an yuɛyinu nya, An yialafɛ éé voo drɔɔdrɔɔ anlé wuvɔle we ma.

⁸ An bli kyɛdɔle we ma an yara sɛrɛ. Munu lé woo nyané paan an ta, wo faa lé we ma lé an yara kɛlɛ é kwa.

⁹ Naa, Gakelebale éé anlé wuvɔdére maan, Ka faa lé ka wenaané kɛla, ’ka si an ma baa.

¹⁰ Gakelebale éé anlé dunuvɔmadére maan, Gakelebale éé anlé bazorole nyi sié.

¹¹ Yara an nyanézannu faa gyɛ, yé wo gi nyɛ kini, Wo go ’wo zuo zia yé kele tɔɔn yaragyɛwe bɔ wo ma.